خطوات عزل أسطح مباني الأدوار العليا
خطوات عزل أسطح المنازل
يعاني سكان الأدوار العليا بالمنازل السكنية، من ارتفاع درجات الحرارة في فصل الصيف بدرجة أكبر من سكان الأدوار الأخرى، ليبحثون عن طريقة لعزل أسطح المبنى الذي يقطنون به والتي تكون عرضة للشمس طوال الوقت.
وقدم المهندس محمد فوقي، طريقة بسيطة لعزل الحرارة لأسطح المباني ومتوسطة التكلفة وسهلة التطبيق وهي استخدام "الفوم":
- تنظيف السطح تماما من الأتربة.
- تركيب الفوم على السطح بالفوم المضغوط الأزرق سُمك 5 سم كثافة متوسطة 36 كيلوجرام بشفة على مساحة 20 مترا مسطحا بسمك 5 سم.
- تركيب الفوم في خطوات "بتجيب عزل بيومين بارد ( لونه أسود شبه البلك) زي اللي في الصورة وبتدهن بيه أجزاء من السطح وتركب فوقيه الفوم وبيكون فيه بروز في نهاية لوح الفوم ( شفه) عشان تركب اللوح اللي جنبه وهكذا".
- بعد ما تخلص بتجيب بولي إيثيلين (مشمع) وبتفرده فوق الفوم وتثبته ببتيومين بارد برده".
- "بتعمل مونة فوق البولي ايثيلين (والخطوة دي ما يكنش بينها وبين اللي قبلها مش اكتر من يومين عشان المشمع ما يتقطعش من الشمس).
- "يفضل المونة دي تكون خرسانة فومية عبارة عن رمل وأسمنت بكمية معقولة يعني ممكن 3 شكاير في المتر مكعب ومعاهم اضافات رغوية ( مادة سائلة) بتحط معاهم مياه بيديلك خرسانة خفيفة جداً فيها فراغات داخلية".
- "المونة دي بتكون بسمك 5 سم وممكن تتعمل من غير إضافات رغوية بس كده مش حتبقى عازلة للحرارة هتبقى مونة وبس 5 بترش السطح بتاع المونة بدهان ابيض وممكن جير ابيض ولو معاك فلوس يبقى بدهان نانو تكنولوجي بس الأهم اللون الابيض عشان يعكس اشعة الشمس".