الرجل المسن
تداول نشطاء موقع التواصل الاجتماعي "فيسبوك"، صورة لمسن يسير في شارع التحرير بمنطقة الدقي، ويبكي بعد أن فقد ابنه، وبطاقته الشخصية، ومحفظة نقوده في أثناء رحلة البحث عنه.
وكتب أحد النشطاء في المنشور على "فيسبوك": "ماشي في أمان الله في شارع التحرير في الدقي سمعت صوت عياط مكتوم، ببص لقيت راجل لابس جلابية قاعد في حتة شمس وعمال يعيط، افتكرته راجل بيشحت عادي مديت إيدي واديته فلوس قالي لا مش عايز فلوس أنا عايزك ترجعلي ولدي، ابني نزل القاهرة عشان يشتغل ومن ساعتها منعرفش عنه حاجة".
وأوضح صاحب المنشور، أن المسن أخبره بأنه سأل عن ابنه في قسم شرطة "أبو قتادة" ولم يعرف أحد شئ عنه، وقضى المسن أسبوعا كاملا في البحث عن ابنه حتى تعرض للسرقة.
وتواصلت "الوطن" مع أحمد رمضان صاحب الرقم الذي كتبه صاحب المنشور على "فيسبوك" لمعرفة تفاصيل الواقعة، وقال: "الراجل مكانش قادر يتكلم، وصلناه لمحطة القطر وركبناه عشان يرجع على بلده أسيوط، ومكنش معاه رقم تليفون ولا أي حاجة توصلنا بيه تاني، وعشان كده قولتله هنشر رقمي ولو لقيت ابنك هبلغ ناس أعرفها في أسيوط ونحاول نرجعه ليك تاني".
وأضاف "رمضان": "أنا معرفوش ولا أعرف رقم تليفون ليه بس حبيت أساعده يمكن نوصل لابنه".
تعليقات الفيسبوك