أسبوع فى قصر الرياسة

09:35 ص | الأحد 08 يوليو 2012

العقل منى طقْ الناس بباب قصرنا جاية وطالبة الحقْ أحمد وطالب وظيفة عبده وعايز حُقْ عشوائى عاش ف الخُص ماشية معاه بالزَقْ معاش يطير ف الهوا ربّكْ ساترها بحقْ يا مين يحُوش بلْطجة؟ الشمس ترْجَع شرق **** حاوِلْت أشوف الحلول ما حدْ لِيَّا رَقْ صبراً يا ناس صبركم حطيت صوابعى فى شَقْ لا فى إيدى يا موسى العصا هضْرَبْ بحور تنشق أوْ عندى الفانوس مسحور أفْرُكْ يثور ويطَقْ لا عِلْم الكتاب شُغلتى فتّح تغمْض لأ أنْقل عروش م اليمن فى لحظة كخطف البرق وقْت الْمعجزات انتهى ما باقى إلا الحقْ هنْوحَّد صفوف مصْرِنا ننْتج يبان الفرق سامح لطف الله