كُل واشفط
تحت شعار «كُل واشفط»، أعلن أحد مراكز التجميل بمناطق التجمع الخامس والرحاب والمعادى، عن خصم 10% على عمليات شفط الدهون، خلال أيام عيد الأضحى فقط، حيث يتسبّب الإقبال الكبير على أكل اللحوم فى زيادة الوزن.
«بنساعد الناس إنها تخس اللى زادته فى العيد بسرعة بدل ما ترجع تعمل دايت تانى وتاخد وقت»، حسب الدكتور أشرف قورة، استشارى التغذية العلاجية وتناسق القوام، الذى استغل أيام عيد الأضحى، باعتباره الوقت الذى تفسد فيه كل الأنظمة الغذائية، التى يتبعها معظم المواطنين فى الأيام العادية، سواء كانت علاجية أو ريجيم إنقاص الوزن، مما دفعه إلى تقديم خصم على شفط الدهون، باعتباره أقصر الطرق إلى فقد الأوزان الزائدة.
هناك بعض الحالات التى تلجأ إلى أدوية التخسيس غير معلومة المصدر للتخلص من الوزن الزائد المكتسَب خلال أيام العيد، لكن عمليات الشفط بواسطة نظام «لايت ليبو»، تساعد على تناسق القوام: «بس فيه ناس لازم بعد العملية، تعمل تمارين رياضية وتمشى على نظام غذائى علشان ماتتخنش تانى».
ولفت «أشرف» إلى أن الإقبال كبير يومياً من الحالات الراغبة فى التخلص من السعرات الحرارية المتراكمة بسبب «الفتة واللحمة السمينة».
«العملية بسيطة، ومفيهاش أى خطورة.. يادوب الحالة بتدخل وتخرج فى 10 دقايق شكل تانى».. هكذا يساعد «أشرف» أصحاب الأوزان الزائدة للتخلص من الدهون، بتكلفة أقل من سعرها طوال العام: «العرض معمول لأعضاء المركز وغير الأعضاء.. لأن فيه ناس بتقعد تحوش فلوس العملية.. والعرض ده هيوفر عليهم كتير».
تعليقات الفيسبوك