«تمريض» الصحة النفسية بحلوان يعتصمون لليوم الرابع

08:22 م | الأربعاء 20 سبتمبر 2017

«تعبنا كلام وتعبنا وعود لحد ما عدى ٧ شهور.. المعمل ويا التمريض عاوزين حقوقهم عاوزين الـ١٧٠جنيه»، هتافات علت داخل مبنى إدارة مستشفى الصحة النفسية بحلوان، أطلقها مجموعة من أفراد التمريض وفنى المعمل، يطالبون بحقهم فى كادر الامتياز، ومبلغ المائة وسبعين جنيهاً، الذى تتميز بصرفه مستشفيات الصحة النفسية عن باقى المستشفيات الأخرى، صرخات متقطعة بين الحين والآخر تدوى فى أرجاء المكان.

{long_qoute_1}

تقول سعاد على، بمعمل التحاليل: «احنا اتخصم مننا ١٤٠ جنيه، وبنطالب بهم والإدارة شايلة إيديها خالص، بالرغم من أن الصيادلة كانوا واقفين معانا، بس هم اتصرف لهم وإحنا لأ، والإدارة ردت قالت اتصرف لهم علشان عددهم قليل، مع إننا بنشتغل أكتر منهم، وبنتعامل مع مدمنين مخدرات ومجرمين، وبنتعرض للضرب والإهانة، إلا أن المستشفى مفيهاش مساواة، وده اللى احنا بنطالب به»، وتشير إلى أن المستشفى لا يصرف حوافز، فقط المرتب الشهرى، ولما قالوا إنهم هيصرفوا حوافز كانت 100 جنيه واتصرفت من ٤ سنين وخلاص على كده». وتقول رشا حمودة، ممرضة: «أغلبنا عنده عيال فى المدارس، هنصرف منين ومرتباتنا مش مكفية»، هذا اليوم الرابع للوقفة، بسبب إن صرف «الكادر» اتوقف من شهر مارس، أى مر عليه ٦ أشهر، قدمت خلالها مجموعة التمريض وفنى المعمل بالمستشفى شكاوى لجميع الجهات المختصة، دون جدوى لكننا سنظل نطالب بحقوقنا حتى الحصول عليها.