بعد 3 أشهر من بدء العمل فيه: مرحباً بكم فى «خرابة» خدمات جامعة القاهرة

07:37 م | الأربعاء 11 أكتوبر 2017

«سلّمة مكسورة» فى الطابق الثانى من مبنى الخدمات الطلابية بجامعة القاهرة، أصبحت مشهورة، لأنها تعرقل الطلاب فى الطلوع والنزول يومياً، فوضعوا لافتة بخط أيديهم على الحائط المجاور لها: «احذروا آخر 3 درجات من السلم»، فظن البعض أن الجن يسكنها، «فى الساعة الواحدة ممكن تلاقى 20 طالب واقعين، اللى معاه أكل واللى طالع بنسكافيه واللى شايل كتبه يدوب نجرى على الصوت»، يقول «محمد»، بائع بإحدى مكتبات المبنى.

مشاكل أخرى يواجهها الطلبة دون حل، منها عدم وجود ممر لذوى الاحتياجات الخاصة للصعود إلى ركن المكتبات: «مفيش سلم يطلعوا عليه وأهاليهم هما اللى بيشيلوهم»، فضلاً سوء اختيار مكان منفذ النجاة أعلى المبنى: «4 منافذ النجاة فوق السطح، والمكان مفتوح ممكن الطلبة تطلع عادى»، يقولها مسئول من داخل المكان، مؤكداً أن سور الطابق الثانى غير آمن: «ارتفاعه منخفض جداً، ده غير إنه خشبى مش أسمنتى، وممكن فى أى لحظة الطالب يقع يموت».

{long_qoute_1}

بعد مرور شهرين من تسليم المبنى الذى تكلف ما يقرب من 8 ملايين جنيه، تلفت بعض أدواته، ومنها مفاتيح وحدة الكهرباء والحماية المدنية، بالإضافة إلى خروج بعض أبواب المحلات الحديدية عن مسارها، ومن ثم تعطلت قبل استخدامها، غضب شديد سيطر على «أحمد»، طالب فى كلية دار علوم، من ذوى الاحتياجات الخاصة: «تقريباً إحنا مكناش فى حسبانهم»، يعانى يومياً بسبب عدم تمكنه من الصعود للطابق الثانى لشراء الكتب «مش معقول كل يوم أخويا ولا صاحبى ولا حتى أبويا ييجى مخصوص عشان يطلّعنى، الموضوع مهين جداً». خطاب استغاثة توجه به الطلاب لرئيس الجامعة لحل الأزمة حتى لا تتعرض حياتهم لخطر أكبر، تقول «منار»: «مش هيتحركوا غير لما حد فينا يموت، ساعتها الدنيا هتتعدل».