مدرسو «ثالثة ثانوى»: أكل ومرعى وقلة صنعة

07:04 م | الثلاثاء 24 أكتوبر 2017

فصل خالٍ من الطلاب لم يتبقَّ به سوى مدرس خمسينى يجلس على مكتبه الخشبى، وإلى جواره كوب من الشاى الساخن يحتسيه بهدوء، يدخل الفصل كل صباح، ليتصفح جريدته المفضلة، بدلاً من أن يراجع عناوين دفتر تحضيره، أحياناً يأخذه الهدوء الجم فى نوبة نوم لا يقطعها سوى دقات الجرس المدرسى التى تعلن عن انتهاء فترة راحته، مشهد يتكرر باستمرار فى أغلب المدارس الحكومية للمرحلة الثانوية، خلق حالة من التصارع بين مدرسى المرحلة لينال كل منهم حظّه من الاسترخاء فى ظل غياب الطلاب عن الحضور، حتى لقبهم البعض بـ«المدرس الديسك». «اللى عايز يرتاح ياخد جدول سنة تالتة»، شعار يردده مدرسو المرحلة الثانوية خلال فترة تنسيق الجدول، حيث يقول نبيل حسين، مدرس بإحدى المدارس بمحافظة المنيا، إن عزوف الطلاب عن الحضور وغياب الضمير لدى بعض المدرسين هما ما جعلا جدول السنة الثالثة فرصة للراحة يرغب الكل فى اغتنامها: «المدرسين فى المدارس نوعين: نوع بيدّى دروس فبيبقى عايز تالتة عشان ما يكونش وراه التزامات، ونوع تانى مش بيدى دروس وبيكون عايز تالتة عشان يريّح». يرى «نبيل» أن غياب القرارات الحازمة بالمدارس هو السبب الرئيسى للوصول لهذه الأزمة: «مفيش حد بيتحاسب.. الطلبة بتيجى أول أسبوع تلعب فى الحوش بتاع المدرسة وتروّح»، وعلى الرغم من ذلك، فإن هناك بعض المدرسين ما زال لديهم قدر من الضمير حتى الآن: «فيه مدرسين لو لقوا طالب واحد فى الفصل هيشرحوا له، بس فيه الأغلبية ضميرهم مات». أخْذ قدر من الصيت والشهرة هو السبب الرئيسى الذى يراه محمد زينهم، مدرس بإحدى المدارس الثانوية بالمعادى، يدفع الكثير من المدرسين إلى تفضيل أخذ جدول الصف الثالث بالمدرسة: «المدرسين بيكون هدفهم إنهم يدّوا دروس خصوصية، وكونهم واخدين جدول تالتة ده بيصيّتهم فى منطقتهم»، فهو على مدار 15 عاماً قضاها بالمجال وجد أن المدرسين الأكبر سناً هم الأكثر تصارعاً للحصول على حصص المرحلة: «المدرسين بيستسهلوا ياخدوا الجدول عشان مش بيبذلوا أى مجهود».

{long_qoute_1}

وبحسب محمود عبدالوهاب، أحد مدرسى اللغة الإنجليزية، فإن بعض المدرسين يعتبرون أخذهم لتلك الفترة مكافأة لهم بنهاية خدمتهم: «مدارس كتير بتدّى حصص سنة تالتة لأكبر المدرسين سناً بالمدرسة، عشان تريحهم، وتقدير لمجهودهم فى العمل على مدار سنوات كتير»، يؤكد «محمود» أن المدرس الذى يحصل على تلك الحصص لا يقل عمره عن 50 عاماً.