إزاى تشجع اقتناء الكتب؟: اعمل عليها خصومات.. وقسّطها

07:50 م | الاثنين 30 أكتوبر 2017

«كتب كل شهر بالمجان، وأخرى بالتقسيط، خصم 25% طول السنة، و10% على الكورسات».. لم يتخيل مسئولو دار النشر أن عروضهم ستلقى كل هذا الرواج والإقبال، فى زمن «عزّ فيه اقتناء الكتاب»، وحلت محله النسخ الإلكترونية، مما دفعهم إلى مواصلة العروض والتخفيضات التى تشترط للحصول عليها استخراج كارنيه عضوية سنوية، بقيمة 250 جنيهاً للطلبة و300 جنيه للقارئ العادى.

«لو أى حد فكّر يشترى 12 كتاب فى السنة، هنفترض أن تمن الواحد 40 جنيه، يبقى هيتكلف 480 جنيه، إحنا بنوفر عليه كتير»، حسبة بسيطة روّج بها د. عيد إبراهيم، صاحب دار النشر، فكرته، لم يخفِ الرجل سعادته المفرطة بالتفاعل الكبير الذى شهده الإعلان «عايزين نشجع الطفل والشاب على القراءة، وكمان نستفيد من وجودهم ومناقشاتهم وقياس فكرهم»، يبحث عن أفكار تسويقية جديدة باستمرار، فكان الأنسب تقديم خصومات على كتب معرض الكتاب المقبل «أى كتاب من أى دار نشر فى جناحنا هنخصم 25% من ثمنه لحاملى الكارنيه فقط»، تتجدّد العضوية بشكل سنوى، وتُقدّم خدمة تقسيط الكتب لأول مرة كنوع من التسهيل على الطلبة «باشوف طلبة يادوب معاها المصروف، ونفسها فى كتاب، علشان كده قلنا التقسيط هو الحل».

{long_qoute_1}

إقبال فاق توقعاته عقب الإعلان عن العروض الجديدة «ماكنتش متخيل أن الناس هتستجيب بالسرعة دى، ومتحمسين للاشتراك»، ينتظر قياس رد الفعل الحقيقى عقب مرور شهر من الإعلان «الموضوع لسه مش ظاهر قوى على أرض الواقع، محتاجين شهر علشان نقدر نحكم»، لكنه فى المجمل راضٍ عن النتيجة المبدئية والهدف الذى بدأ يتحقّق: «نفسنا الشباب يرجع يقدّر قيمة الكتاب، لأنه أهم من الأكل والشرب».