حزام اطفال الامان لا يحمي الأطفال من الخطف
أشكال وألوان لأحزمة أمان تحمي الأطفال من الخطف انتشرت بالفترة الأخيرة في الأسواق بأحجام مختلفة، لكن أسعارها التي ارتفعت صدمت الكثيرين، فوصل سعر الحزام الذي تمتد مسافته لـ100 متر بـ750 جنيه و1200 جنيه، الذي تربط في أيد الطفل والمسئول عنه، ما دفع الكثيرين للاعتراض: "ازاي 100 متر وندفع فيه كل الفلوس دي، ده حتى المسافة دي كلها الطفل ممكن يتخطف مننا، مش بالمسافات".
ماجدة السيد، أم لطفلين قامت بشراء حزام أمان للأطفالها الذي لا يتعدى عمرهم العامين، لكن لم تجد منه منفعه، رغم شرائها الحزام بمبلغ مرتفع: "لقيت الحزام بيتباع في محلات كبيرة بتاعت الأطفال، ولقيت الناس بتتكلم عنه كتير وإنه ممكن يحمي عيالنا من الخطف، لكن بعد ما جبته لولادي لقيتهم مش عملين خالص، جبت واحد مسافته 50 متر بـ250 جنيه لابني محمد اللي عنده سنتين، وجبت الـ100 متر لعمر عنده 3 سنين بس مستفدتش بيهم والعيال بيجروا مني وبيعرفوا يشلوه من إيديهم".
لم تكن "ماجدة" الوحيدة التي لم تستفيد من فكرة حزام أمان الأطفال، شاركتها الرأي إيمان جميل، أم لطفل عمره 3 سنوات، فتقول: "هو شكل على الفاضي لكن مش عملي خالص وفلوس على الفاضي، والمسافة اللي بيني وبين ابني ممكن تخليه يتخطف برضوا لو مش واخده بالي، وأكتر من مرة فكوا بسهولة"، وتضيف: "واحدة صحبتي كان ابنها هيتخطف وهي ملبساه حزام الأمان وكانت جيباه بـ1200 جنيه وقتها أغلى حاجة، بسبب إنها بتعتمد على الحزام وبتلف في المول على إن الحزام ما بينها وبين ابنها وفكه وجري منها وكان هيتخطف لولا ستر ربنا، ودلوقتي ركنه الحزام في البيت زيي ومش مستفدين بيه".
تعليقات الفيسبوك