14 فتاة يتنافسن على تصنيع فساتين من البيئة فى مسابقة ملكة جمال أفريقيا للسياحة
المشاركات فى تصفيات مسابقة ملكة جمال أفريقيا للسياحة والبيئة
فتيات كل حلمهن المشاركة فى منافسات مسابقة ملكة جمال العالم للسياحة والبيئة لعام 2018، التى ستُقام بجزر موريشيوس، أسبوعان فقط يفصلانهن عن معرفة الملكة التى ستمثل مصر عالمياً، اختبارات مختلفة تجرى بين 14 فتاة لاختيار الأفضل، تجهيزات وإعدادات وكورسات متعدّدة تقوم بها لجنة التحكيم بكل مسئوليها للخروج بالمسابقة فى صورة مشرفة لمصر.
خلود عز، منظمة المسابقة، أكدت أنه تم بذل جهد كبير خلال الفترة السابقة لتطوير أداء المتسابقات: «طول الفترة اللى فاتت كنا بنحاول نقدم خبراتنا للمتسابقات علشان اللى هتفوز وتوصل للمسابقة العالمية تمثل مصر تمثيل مشرف». سيتم اختيار الفائزة بالمسابقة حسب «خلود»، عن طريق حصولها على أعلى الدرجات فى جميع مستويات المنافسة: «لازم اللى هتكسب يكون طولها مناسب، جسمها متناسق، سلوكها منضبط، وأسلوبها راقى وشيك».
وتتنافس الفتيات خلال المسابقة على مهام مختلفة أهمها تصميم فستان من مواد بيئية: «البنات طول الفترة اللى فاتت بتجمع مكونات مختلفة من البيئة وبتصمم بيها فستان تنافس بيه»، وبالإضافة لذلك فإن الفتيات قمن بعمل فيديوهات للحديث عن السياحة فى مصر: «مش شرط البنت اللى هتصمم أحسن فستان تكون هى اللى فازت بالمسابقة، لكن درجة تصميم الفستان تعتبر درجة كبيرة فى التقييم». وحسب «خلود»، فإن جمال الثقافة والشخصية والثقة بالنفس هى أهم السمات التى تؤهل أى متسابقة للفوز باللقب: «البنات المشاركات فى البداية كانوا كويسين ومع تدريبات الإتيكيت والكورسات المختلفة اللى تلقوها بقوا بروفيشينال بشكل أكبر».
أسماء المتأهلات للمسابقة: رانيا رضا، سلمى الصبان، جنى عبدالمنعم، رغدة صلاح، نوران محمد، جنى نوار، نادين أشرف خليفة، رنا خالد، آية ماجد، علا محسن، رانين صالح، يارا وحيد، دنيا الأدور، مارسيل طريف، ميرنا سيف النصر.