أمينة حولت برطمان الطرشي لـحتة ديكور.. وسعره 10 جنيهات بس
أمينة حولت برطمان الطرشي لـحتة ديكور.. وسعره 10 جنيهات بس
- التسويق الإلكترونى
- ديكورات المنزل
- ربة منزل
- مواقع التواصل الاجتماعى
- التسويق الإلكترونى
- ديكورات المنزل
- ربة منزل
- مواقع التواصل الاجتماعى
ارتفاع أسعار ديكورات المنزل التي تعشق شرائها، دفعت "أمينة سالم"، ربة منزل، بتحويل برطمان "الطرشي" إلى ديكور في منزلها، بعد إعادة توضيبه وتزينه بأشكال وألوان مختلفة.
الفكرة التي ابتكرتها الشابة العشرينية، لاقت إعجاب أقاربها وأصدقائها، بعد نشر صور البرطمان بعد تزينه على صفحتها الشخصية "فيس بوك"، فقررت أن تسوق على مواقع التواصل الاجتماعي فكرتها الجديدة: "مكنتش فاكرة أن الفكرة هتعجب الناس كده، برطمانات الطرشي بتبقى واسعة شوية وبينفع فيها التزويق والابتكار، وحاولت في الأول كنت بحط فيها زراير واستغلها للحاجات اللي عندي وبضيع، لحد ما فكرت استغلها في الديكورات كزهرية أو فواحة أو شمعدان، لأني بحب الحاجات دي ودلوقتي باقت غالية جداً".
حاولت أمينة، أن تستغل أوقات فراغها فى التسويق الإلكتروني على الإنترنت، فهو عمل يدر عليها دخلا إضافيا وتمارسه من داخل منزلها وهي ترعى أطفالها: "بقيت بعمل برطمانات الطرشي ديكورات لبيتي وأسوقها على الفيس وأكسب منها وبقى دخل ليا، وفي نفس الوقت بعمل حاجة بحبها، وكل أدواتي هو المقص وقماش وأشكال للتزين بحطها من بره البرطمان، وسعر البرطمان من 10 لـ25 جنيها".
