متديش للسايس الجنيه.. خليها لحد محتاج.. مبادرة لمواجهة البلطجة
متديش للسايس الجنيه.. خليها لحد محتاج.. مبادرة لمواجهة البلطجة
- التجمع الخامس
- القاهرة الجديدة
- دار ايتام
- شوارع القاهرة
- فيس بوك
- أسر
- أعمال البلطجة
- التجمع الخامس
- القاهرة الجديدة
- دار ايتام
- شوارع القاهرة
- فيس بوك
- أسر
- أعمال البلطجة
"متديش للسايس الجنيه.. خليها لحد محتاج"، قرار اتخذه مجموعة من سكان التجمع الخامس لمواجهة مخالفات وأعمال البلطجة التى يمارسها "السايس" في شوارع القاهرة الجديدة، مقررين أن يجمعوا "الجنية اللي كانوا بيدوه للسايس" ليتبرعوا به للجمعيات الخيرية وأسر أشد احتياجا.
مواقف عديدة يتعرض لها محمد أحمد، صاحب الفكرة، وكثير من جيرانه الذين بدءوا في تفعيل المبادرة مع "السايس" لامتناعهم عن دفع "البقشيش للسايس"، فيقول محمد: "أنا شغلي وبيتي في التجمع، وبعاني بسبب السايس، مفيش مكان أروحوا إلا لما يطلع ليا حد فجأة ويقولي تعالى يمين وشمال يا بيه عشان ياخد الجنيه، دلوقتي بتخانق في اليوم أكتر من 3 مرات بسبب إني مبديش بقشيش للسايس، بس أحسن ما يتعودوا إنها بقى فرض علينا ندفع ليهم وهما مبيعملوش حاجة".
لم يتوقع الشاب الثلاثيني أن المبادرة لاقت ترحيب بين السكان المشاركين: "أنا عرضتها على صفحة السكان على فيس بوك ولقيت الناس متجاوبة معايا، وبيكلموني يحكولي السايس بيعملوا إيه معاهم، في اللي بيدعي عليهم وفي اللي بيتخانق عشان بقى بالنسبة ليهم حق مكتسب".
2000 جنيه، المبلغ الذي جمعه "محمد" من السكان بدلا من بقشيش السايس في أسبوع واحد بس، مقررا أن يتبرع به لدار أيتام قريبه من منزله: "في أسبوع واحد بس جمعنا مبلغ محترم كان بيروح لناس متستحقوش، مش مهم ندخل في مشاكل ما السايس أو المتسولين اللي في الشوارع، لكن الأهم اننا نعلمهم إنه مش حق مكتسب ومش لازم نديهم بقشيش إلا لو تعبوا واشتغلوا فعلاً".
