كيفية تضع رؤية واستراتيجية متوازنة لنفسك وعملك
كيفية تضع رؤية واستراتيجية متوازنة لنفسك وعملك
غالبا ما يكون اهتمام الشخص في رؤيته سواء لنفسه أو داخل عمله أو شركته الخاصة تتلخص في الوصول إلى جمع الأموال، وأثناء رحلته في الحياة لتنفيذ الاستراتيجية لتحقيق ها الهدف، يجد الكثير من الفرص ولكنه يتركها لأنها لا تخدم رؤيته الأساسية ولا ضمن استراتيجيته.
وقال مصطفى خليفة، استشاري تطوير الأعمال، في علم الاستراتيجيات وجدوا شركات كثيرة تضع أهداف تقتصر على تحقيق أكبر الإيردات فقط، معتبرًا أن ذلك غير صحيح لأنه عند تقييم الشركة هناك عوامل أخرى غير الإيرادات لذلك وضعوا عناصر أخرى لابد أن تشملها الاستراتيجية تسمى بطاقة التقييم المتوازن Balanced Scorecard.
وفيما يلي الـ 4 عناصر وفقا لخليفة:
- العنصر الأول هو (الأموال)
أكيد تقييم أي شركة مبني على حجم مبيعات الشركة وحجم أرباحها، والأرباح هي صافي المكاسب بعد طرح التكاليف من الإيرادات اللي دخلت للشركة من مبيعاتها.
- العنصر الثاني (الإجراءات)
هل يوجد في الشركة إجراءات وأنظمة تساعد على تنفيذ العمل بأفضل طريقة، وده بيوضح مدى كفاءة الشركة في تنفيذ الأعمال المختلفة زي قدرتها على إدارة سلسلة المواد والاحتياجات، إدارة عملياتها، إدارة مشاريعها وهكذا.
- العنصر الثالث (التعلم)
قد إيه الشركة فيها مواهب وموظفين كفاءة مستواهم من الخبرة والعلم بيتطور يوم بعد يوم، وإزاي الشركة بتدير المعرفة داخل الشركة من خلال الاستفادة من الخبرات السابقة وتحويل البيانات لمعلومات والمعلومات لمعرفة تقدر تستفيد منها.
- العنصر الرابع (العملاء)
إيه علاقة الشركة بعملائها وقوة العلاقة دي، وسمعتها في السوق ومدى رضا العملاء عن الشركة ومنتجاتها وخدماتها، وده مهم جدا لأنه يعتبر من العوامل الأساسية في ضمان الاستمرارية للأعمال وضمان مستقبل جيد.
أما بالنسبة للأفراد لو حبينا نطبق ده عليهم، فلما تيجي تقيم حد ماتقيموش على فلوسه بس النهاردة، لازم تقيمه على فلوسه (الماليات) معاه كام أو بيقبض كام، وعلى صنعته (الإجراءات) إيه الخبرات والمهارات اللي عنده وبيقدر يعمل إيه، علمه (التعلم) شهاداته وشطارته في شغله، وسمعته (العملاء) وعلاقاته وطريقة تعامله مع الناس وحبهم واحترامهم لي.
- من أجل وضع رؤية واستراتيجية سواء لشركتنا أو شغلنا أو لنفسنا.. لابد استهداف الـ 4 عناصر بشكل متوازن، إزاي نحسن الماليات والعمليات والتعلم وعلاقتنا بالعملاء عشان نقدر نوصل لأفضل كفاءة وفعالية واستمرارية للمؤسسة بتاعتنا.
