عمرو أديب يروي تفاصيل موقف طريف مع رامز جلال: "خفت يعمل فيا مقلب"

الأحد 17-12-2017 AM 04:54
عمرو أديب يروي تفاصيل موقف طريف مع رامز جلال: "خفت يعمل فيا مقلب"

رامز جلال

قال الإعلامي عمرو أديب إنه منذ أيام شاهد رامز جلال بإحدى الكافتريات واحتضنه، متابعا: "أنا خفت وقلقت من الترحيب، والحضن ده، وقلت أكيد رامز هايعمل فيا مقلب لرمضان اللي جاي، ولكن اطمنت أما رجع لأسرته وقعد معاهم". 

وأضاف أديب، خلال تقديم برنامج "كل يوم"، المذاع عبر فضائية "أون إي": "أنا بقول للمشاهدين علشان محدش ضامن، إني قابلت رامز وهو حضني فهل ده جزء من مقلب؟ أو هل كانت فيه كاميرات بتصور؟ ماعرفش".

واستكمل: "أنا كنت واضح جدا مع رامز وقلتله إحنا أصحاب، وانت موهوب -وهو فعلا كده- وقلتله بص يا رامز علشان أبقى أشهدت الله عليكوا، وعليا خليني آجي أعمل حلقة السنة الجاية، وهاخد فيها 100 ألف دولار هاتبرع بيها كلها لمستشفى الأطفال، وقلتله هاعمل إنى مندهش ومتفاجئ، وبقول للمشاهدين لو شفتوني اعرفوا إني اتفقت معاه على كده، واتفقت معاه إني لا هاضربه ولا هاشتمه وهاقوله الله يسامحك".

التعليقات

عاجل