نائبة لوزير الطيران: إزاي المضيفات حجمهم كبير.. هاتلهم كوافير وستايلست

05:15 م | الاثنين 18 ديسمبر 2017

شهد اجتماع لجنة السياحة والطيران المدني بمجلس النواب، برئاسة النائبة سحر طلعت مصطفى، جدلا بين شريف فتحي وزير الطيران المدني، والنائبة جليلة عثمان، بشأن مظهر المضيفات والمضيفين الجويين.

ووجهّت النائبة جليلة عثمان، انتقادات لاذعة للمضيفات، بسبب سوء مظهرهن، وعدم الاهتمام بأنفسهن، ولم يسملم المضيفون من الانتقاد أيضًا.

وقالت "عثمان"، لوزير الطيرات: "في مضيفات فوق الخمسين، سايبنهم شغالين إيه، يجب وضع معيار للسن".

وتابعت النائبة: "لازم يهتموا بشعرهم ومكياجهم، وبعدين تيجي تسأل تاكلوا لحمة ولا فراخ، تقولها لحمة، تقولك معلش فراخ بس، طب بتسآل من الأول ليه".

ورد وزير الطيران، قائلا: "لم نقم بتعيين أي مضيفين منذ 3 سنوات، اللي بتقولي عليهم كانوا كويسين واتدهوروا".

وعلقت النائبة، "مش عيب نرفع مستوى كفاءتهم، ويكون فيه ستايلست وكوافير ومكياج وشكلهم يكون مهندم، الموضوع بقى ظاهرة، متحكمش على رحلاتك يامعالي الوزير، بيجيبولك مضيفين أحسن منظر".

وتابعت "جليلة": "الضيافة أول حاجة بنشوفها، مينفعش مضيفة يبقي حجمها كبير شوية، لو مضيف بيشرب مخدرات، بتوقفه، ولو مضيفة شكلها كده نغيرها".

ورد الوزير، قائلا: "حاليا بيوقوفهم، وبلاش نعمم عل ىكل المضيفين، بلاش ندي صورة قاتمة، عندنا نحو 3 آلاف و100 مضيف مينفعش نقول مابيلبيوش مابيعملوش"، لتوضح النائبة "أنا غيورة علي بلدي".