مسلسل "الطوفان"
نشر الفنان فتحي عبدالوهاب، صورة تجمعه بأبطال مسلسل "الطوفان"، بعد مقتل نادية رشاد "الحاجة صفية" أمس خلال أحداث المسلسل.
وعلق عبدالوهاب، على الصورة قائلًا: "والله الحاجة صفية عايشة أهيه ومحدش جيه ناحيتها".
وتفاعل رواد "فيس بوك"، مع الصورة حيث قالت ندى: "كنت بره وبتصل بماما لقيتها بتعيط ومش قادرة تكلمني من كتر العياط، يا ماما مالك في إيه حد زعلك؟ حد ضايقك؟ طب إنت تعبانة؟ وتعيط والله ردت عليا قالت لي صفية ماتت".
وكتب آدم: "المسلسل دا لو مخدش جوايز يبقى ليلتكوا سودا، الكم دا من النجوم سوا وفكر حلو وتمثيل فوق الرائع حرام ما تاخدوش جوايز عليه وأحسن إنكم بعدتوا عن زحمة رمضان".
وأضافت منى: "بجد الحلقة دي تعبتني نفسيتي جدًا.. بس حرام عليكوا وجعتولي قلبي أنا لحد ما ماتت وأنا مش مصدقة إنهم هيعملوا كده فيها، أنا انهرت من العياط حرام عليكو إيه القسوة دي".
يشارك في بطولة "الطوفان" ماجد المصري، عبير صبري، دينا، نادية رشاد، آيتن عامر، فتحي عبدالوهاب، أحمد زاهر، هنا شيحة وكوكبة من النجوم، إخراج خيري بشارة.
تعليقات الفيسبوك