بالصور| الطوب طعامه المفضل.. آدم طفل حير الأطباء: بياكل الحيطان
بالصور| الطوب طعامه المفضل.. آدم طفل حير الأطباء: بياكل الحيطان
استخدمت كل الحيل لجأت إلى عدد كبير من الأطباء علها تجد حلا لحالة ابنها الصغير الذي يأكل "الطوب" ويعتبره وجبته المفضلة، رغم صغر سنه الذي لم يتجاوز الـ5 سنوات.
حالة الطفل الغريبة حولت حياة الأم "أسماء رمضان" إلى حيرة وخوف وقلق، تقول بحسرة: "آدم أصغر عيالي ومفيش حد من عيالي زيه، ده وصل لمرحلة إنه بيكسر حيطان الشقة عشان ياكل الطوب اللي بينزل منها"، حاولت الأم أن تطرق أبواب أطباء الأطفال، لعل وعسى أن تجد حلا لحالته: "الدكاترة مش عارفين إيه حبه في الطوب عشان ياكله، وكل اللي بيقولوا لي إن لو فضل ياكلوا هيجيلوا أمراض، لكن محدش بيفدني ومش عارفة أروح لمين".
لم تهدأ "أسماء" من القلق والخوف على صغيرها "آدم"، فحالته تزداد سوءا يوما عن الآخر دون حل: "مفكرتش أروح لدكتور نفسي لأنه طبيعي زي إخواته، أنا عندي بنت وولد غيره وهو بياكل وبيشرب معاهم عادي، بس أكله للطوب حاجة غريبة وملهاش سبب ولا علاج، وبحاول أزعل منه وأحرمه من أي حاجة بيحبها وبرضوا مفيش فايدة".
وأضافت: "كل يوم على الحال ده، أمسكه بيكسر الحيطة بإيد الهون أو مفك وياكل الطوب منها، ووصل لمرحلة الإدمان، لو مأكلش الطوب وحاولنا نمنعه، يزعق فينا ويضرب وبقت حالته صعبة ومش عارفة أعمل معاه إيه وأروح لمين، رغم إنه طبيعي وبيروح الحضانة وطبيعي في كل حاجة تانيه زي الأطفال".
