مالك راديو «إنرجي» يكشف عن تكريم خاص لـ «عم صلاح» بطل حادث «حلوان»
عم صلاح
وجه رجل الأعمال وليد مصطفى رئيس مجلس إدارة شركة "سكاي برودكشن" والمالكة لراديو إينرجي التهنئة للشعب المصري العاملين بالإذاعة والمستمعين بمناسبة بداية عام 2018.
وقال «مصطفى»، موجها رسالة إلى بطل حادث كنيسة مارمينا بحلوان المواطن صلاح الموجي "بص يا عم صلاح أنا بقولك إنك شخصية العام السنة دي ربنا يديك الصحة لإنك أصحت مثل وقدوة، يكفي إنك قلت إنك كنت بتخدم في الجيش المصر ولما دي روح واحد كان في الجيش من سنين فاتوا، أمال اللي موجودين دلوقتي عاملين إيه؟ مانقدرش نمشي في الشارع من غير تأمينهم وحمايتهم".
وتابع «مصطفى» في مداخلة هاتفية ببرنامج "مزنوق فين" على تردد 92.1 للتهنئة بحلول العام الجديد، "بدعوك إنك تيجي المحطة لتكريمك واتفقت مع إحدى شركات التأمين وهنعمل 3 شهادات استثمار لولادك مصطفى ونسمة وفاطمة" بمبلغ مناسب يليق بمكانتك لدى المصريين.
وأوضح ، "وأحب أن أقول للرئيس السيسي ربنا يديك الصحة ويخليك لينا إنت بتعمل كتير ومستحمل كتير وراهنت كتير بداية من 2013 وكل ده من أجل مصر ربنا يخليك لينا وجزيل الشكر لأجهزة الدولة التى اشعرتنا بالآمان"
وتابع مصطفى "دائما ما نسمع عند سفرنا للخارج بعد يونيو 2013 جملة أنكم محظوظين بوجود السيسي"، "افتكروا الفرق بين 2012 و2015، كنا فين وبقينا فين وبنحلم نبقى فين، لازم يكون عندنا أمل وتفاؤل وإرادة، عندنا جيش وشرطة وشعب أقوياء جدا وجوانا عزيمة وقوة محدش يقدر يقهرنا إذا اجتمعنا على قولا واحدا والدليل على ذلك ما فعله "عم صلاح" في انقاذ ارواح شعب مصر في حادث حلوان الإرهابي.
وعن صناعة الإعلام في مصر والوطن العربي، قال مصطفى إنها صناعة "تقيلة" وأنه لابد من التعامل معها بمنطق الرسالة والصناعة "اللي يتعامل على إنها سبوبة أو فشخرة أو شو يبقى بيهين الصناعة دي وهيخسر في الآخر، لكن من يتعامل معها على أنها رسالة وصناعة لها اقتصادياتها ويتعامل بجدية سينجح".
وبشأن الرسالة الأساسية التي ترغب "إينرجي" دائما في تقديمها لمستمعيها قال مصطفى "البهجة والأمل، إحنا هدفنا ننشر البهجة والطاقة الإيجابية وسط الشباب، لازم نبعت رسايل إيجابية ونبقى جزء من تغيير أي طاقة سلبية"