حدوتة
حدوتة
من منا أصدقائى لا يحب الحدوتة؟ الكبار والصغار يعيشون مع أحداث كل حدوتة وتسكن ذاكرتهم، ولصفحتنا «بدأت الحدوتة»، أهدى الشاعر محمود فهمى قصيدة جميلة بعنوان «حدوتة»
توتة توتة
أنا نفسى أكتب حدوتة
عن وردة فى الفجر تفتح
عن شمس بتشرق وتصبح
عن بنت جميلة صغنتوتة
عن سمكة فى البحر شقية
عن شط ورملة وشمسية
عن قمرة على وش الميه
عن بيضة هتفقس كتكوتة
عن قطة جوه البلكونة
عن سما رايحة لها البالونة
عن شجرة بعصافير مسكونة
عن نملة شايلة الفتفوتة
أنا نفسى ف حدوتة عجيبة
تفاصيلها وأحداثها غريبة
عن دنيا مليانة بطيبة
وبيوت وشوارع مبسوطة
الشاعر محمود فهمى
