مجنون «نهى» يكتب كلمات غزل على جدران شارعها والجيران بيدوروا عليه

09:18 م | الأحد 07 يناير 2018

كتابات على جدران الشارع أثارت غضب السكان بمدينة بنها فى محافظة القليوبية، بين عشية وضحاها استيقظ سكان شارع الفلل بالمدينة ليجدوا كل حوائطه ملطخة بعبارات غزل من شخص لمحبوبته التى تدعى «نهى»، ربما يكون قصده التعبير عن حبه لها وإعجابه بها أو تخليد قصة حبهما معاً ليبقى لهما ذكرى على جدران الشارع مع مطلع العام الجديد.

عبارات الغزل الممتدة بطول الشارع من مكتبة ناصر وحتى المسجد، أثارت استياء سكان المنطقة وبدأوا يتساءلون عن هوية هذا الشخص وعن الفتاة التى يقصدها. «بحبك يا نهى»، «عايزك دايماً تبقى عارفة إنك أهم حاجة ليّا.. انتى الأولوية»، «بيكى الحياة بتحلالى».. بعض العبارات التى تملأ حوائط الشارع وسببت إزعاجاً لسكانه، وبحسب محمد حجاج، أحد سكان الشارع: «عامل زى اللصوص بيكتب بالليل من غير ما حد يشوفه.. وهو يعنى ميقدرش حتى يصرح لها بحبه ده؟».

وأوضح «حجاج» أن سكان المنطقة يحاولون مسح هذه العبارات مراعاة لأى فتاة تحمل هذا الاسم حتى لا تتسبب فى حدوث مشكلة لها: «التصرفات الحمقاء دى هى اللى بينتج عنها بعد كده خلافات أكبر».

وروى محمد شندى، أحد أهالى المدينة، أنه لا بد من فرض غرامة على من يشوهون جدران الشوارع بالكتابة عليها: «إحنا لو عندنا كاميرات مراقبة وفرض غرامات محدش هيقدر يعمل كده نهائى.. إحنا متضايقين من الكتابات دى خصوصاً اللى مكتوب على جدران المسجد.. ده انتهاك لقدسية المكان». مضيفاً أن أكثر ما يثير غضبه فيما فعله هذا الشخص هو سوء خطه: «طب ياريته كاتب شعر بخط عدل، ده شوه الجدران بخطه الوحش».