جلسة تصوير بملابس الستينيات: السندريلا وصلت
«ليان» فى لوك «الستينيات»
لا يميلان إلى اللعب بالعرائس والسيارات المتحركة كأقرانهما، وإنما انشغلا بالبحث عن الأزياء الكلاسيكية الخاصة بفترتى الستينات والثمانينات، وتقليد بعض نجوم زمن الفن الجميل، كل منهما اختار نجمه المفضل وسعى خلفه فى تقليد بعض الأزياء التى ظهر بها فى الأفلام الأبيض والأسود، وساعدتهما فى ذلك الأم «أحلام سعيد»، بإضافة بعض الاكسسوارات كـ«القبعات، والاسكارفات، والتصوير بجوار الجرامافون القديم».
«اولادى بيحبوا يلبسوا حاجة مختلفة عن باقى الأطفال، ليان 8 سنين، بتجرى على الفساتين وتقول لى يا ماما عايزة أبقى سندريلا زى سعاد حسنى».. حسب «أحلام»، التى تساعد طفلتها فى اختيار بعض الفساتين والملابس التى تشبه السندريلا، وكذلك طفلها «زياد» ذو الـ9 أعوام، الذى تضع له بعض اللمسات على ملابسه «كوفية مثلاً أو برنيطة يلبسها وبنطلون بحزام على الكتف، ليُشبه عمر الشريف».
تحرص «أحلام» على توثيق تلك اللحظات المهمة فى طفولتهما، من خلال تصويرهما داخل أماكن بالمنزل، أو الذهاب إلى أحد محلات الأنتيكات، وأحياناً إلى معارض السيارات القديمة للتصوير مع تلك الأشياء التى تشير إلى العصر القديم: «مش بيتعبونى لما بيجوا يتصوروا علشان هما عندهم الشغف إنهم يقلدوا نجوم زمان، واقفين فاهمين بيعملوا إيه»، وتحرص على التقاط صور لهما معاً كأنهما زوجان من نجوم زمان: «ليان بتقضى أغلب وقتها قدام القنوات اللى بتعرض الموضة، ولما تشوف فيلم قديم ويعجبها فستان تقول لى ماما عايزة شبهه».