لو معاك 36 مليون ومش عارف تعمل بيهم إيه.. أكيد هاشتري الدائري
لو معاك 36 مليون ومش عارف تعمل بيهم إيه.. أكيد هاشتري الدائري
"لو معاك 36 مليون جنيه ومش عارف تعمل بيهم إيه".. سؤال مثير للجدل ضمن حملة إعلانية أطلقتها شركة عقارية شهدت تفاعلا كبيرا بين رواد مواقع التواصل الاجتماعي "فيس بوك".
كان الإعلان يهدف إلى الترويج لفيلات سكنية في إحدى الكومبوندات وجاء نص الإعلان كالاتي: "لو معاك 36 مليون جنيه ومش عارف تعمل بيهم إيه يبقى الفيلا دي بتاعتك، فيلا في (..) مساحتها 851 مترا".
وتفاعل عدد كبير من رواد "فيس بوك" مع الإعلان الذي اعتبره مثيرا للاستفزاز بسبب الحالة الاقتصادية التي يمر بها المواطنين في الفترة الأخيرة.
سخر شريف قشطة قائلًا: " عليا النعمة الناس دى بتهرج.. بيقولك 36 مليون ومش عارف اعمل بيهم إيه.. دانا اشتري الطريق الدائري كله واسكن فيه لوحدى".
وقال عمرو محسن: "يعني لو حد معاه الرقم دا هيكون قاعد قدام الفيس بوك اكيد كان زمانه بيصنع الأمجاد، انا بس قريت البوست سرحت تلات ساعات احلم وماقربتش من الفيس بوك".
وأشاد أسامة الشيمي بالإعلان حيث قال: "على فكرة صاحب الاعلان شخص زكي جدا لأنه خلى إعلانه مجاني من الجدل اللي هيتعمل على الإعلان دا واكيد الإعلان هيوصل لأشخاص معاهم المبالغ دي وهيشتروا الفيلا دي.. شابوه لصاحب فكرة الإعلان".
