والدة "ضحية ستانلي": "هستنى العمر كله لحد ما آخد حق ابني"
الشاب محمد حسن
قالت والدة ضحية حادث ستانلي محمد حسن، لـ"الوطن"، خلال الجلسة الأولى لمحاكمة المتهم (ي. ج.)، إنه "مفيش حاجة هتعوضني عن ابني حتى لو المتهم أخد إعدام، لكن لازم يبقي عبرة لغيره علشان ميحصلش اللي حصل مع حد تاني، واللي خلاني استني ابني 10 أيام في النوة مستعدة استنى العمر كله لحد ما عدل ربنا يحصل".
وقال محمد فؤاد، محامي أسرة محمد حسن، ضحية حادث كوبري ستانلي، إن الاتهامات الموجهة للمتهم قتل خطأ وإصابة خطأ واشتباه في سكر، كما ورد بتقرير الطب الشرعي.
وأضاف، أن "دفاع المتهم طلب تأجيل النطق بالحكم للاطلاع على أوراق القضية، وشكك في تقرير السكر".
يذكر أن المستشار محمد يوسف، رئيس محكمة جنح الرمل أول في الإسكندرية، اليوم، قرر حبس المتهم في غرق الشاب محمد حسن ضحية كوبري ستانلي، 3 سنوات وغرامة مبلغ 10 ألاف جنيه تعويض مدني مؤقت، بعد أن وجهت له اتهامات بالقتل الخطأ والإصابة الخطأ والقيادة برعونة تحت تأثير حالة سكر.