خالد دياب عن مهرجان "جمعية الفيلم": "لازم تجيبوا منظمين أفضل"
خالد دياب
عبر المخرج خالد دياب، عن استيائه من بعض مشاكل التنظيم في حفل توزيع جوائز الدورة الـ44 من مهرجان جمعية الفيلم، الذي شهد عرض فيلم "طلق صناعي"، وذلك عبر حسابه على موقع التواصل الاجتماعي "فيس بوك".
وقال "دياب": "جمعية الفيلم جمعية محترمة كلمني منها أحد المنظمين، ويدعى أحمد عبد السلام، قالي اخترنا فيلم (طلق صناعي) لحفل الختام، والعرض بكرة، وكل صناع الفيلم معزومين، قولتله واضح إن التنظيم فيه مشكلة لأن مفيش حد بيعزم حد قبلها بيوم، قالي ظروف خارجة عن إرادتنا، وقالي ماجد الكدواني أكد حضوره هو وفيكتور كريدي مدير تصوير الفيلم ووزيرة الثقافة دكتورة إيناس عبد الدايم جاية".
وتابع: "قولتله أنا بحب دكتورة إيناس عبدالدايم، ولو هتتفرج هيا على الفيلم وهسمع رأيها هاجي، أكدلي إنها هتتفرج على الفيلم، وقالي في تكريم لبعض السينمائيين، وبعدين هنعرض الفيلم، قولتله بلاش تكرروا الغلطة، بعد الاحتفالية والتكريم الناس هاتمشي قالي بكل ثقة يا فندم احنا بقالنا 43 سنة بنعمل الحفلة وعارفين بنعمل إيه كويس".
وأضاف: "طخيت مشوار ساعتين لمكان الحفلة، لقيت لا ماجد الكدواني جه، ولا فيكتور كريدي جه، والوزيرة إيناس عبد الدايم سلمت الجوائز، ومشيت وكل كلمة قالها المنظم لم تتحقق".
واختتم تدوينته قائلًا: "كل التقدير للوزيرة اللي متأكد تماما أنها قايلة للمنظمين إنها هتسلم الجوائز وتمشي، وكل التقدير لجمعية الفيلم؛ لكن لازم تجيبوا منظمين أفضل ومهنيين عن كدة".