شباب يواجهون غلاء الأدوات الرياضية بتصنيعها فى المنزل

08:14 م | الاثنين 12 فبراير 2018

الحث على ممارسة الرياضة أمر جيد، لكن فاتورة ذلك لا تروق للعديد من الشباب، فى ظل ارتفاع اشتراكات الصالات الرياضية وغلاء الأجهزة الرياضية الموجودة بالأسواق، ما دفع البعض لتصنيع أدوات رياضية بسيطة، وبيعها بأسعار أقل 40% من التى تطرحها الشركات الشهيرة، بما يسمح لأصحابها اللعب بها داخل المنزل، أو فى الحدائق العامة، والوصول لجسم رياضى.

«المتوازى، الحلق، العقلة، الأوزان الخشبية، طارات، ساند باج»، هى بعض الأدوات الرياضة التى حرص زياد الحلو، 20 عاماً، على تصنيعها داخل المنزل وبيعها بأسعار مخفضة، لمساعدة من يجدون صعوبة فى دفع اشتراك «جيم»: «باعمل حاجات متينة وكويسة، باجيب صورها من مواقع أجنبية، وأقرا عنها وأعملها وأبيعها أرخص، وطبعاً بتكون متينة وكويسة».

{long_qoute_1}

«زياد» يمارس الرياضة بشكل مستمر داخل منزله، وعندما شعر برغبة البعض فى الاقتداء به، فكر فى تصنيع الأدوات الرياضة، ونفذها بالفعل منذ 5 أشهر، ويراها كفيلة لبناء جسم صحى متوازن: «بتلعب على بناء العضلات كويس، بس لازم الشخص يكون فاهم هو بيعمل إيه، ويتناول أكل صحى، ومش هيحتاج يروح جيم ويكلف نفسه».

يشترى «زياد» الحديد ويُشكله بنفسه وفقاً للقطعة المراد تصنيعها، ثم يقوم بدهانها وتجهيزها وتغليفها قبل عرضها وبيعها أمام الآخرين، وتتفاوت أسعارها وفقاً لأحجامها: «المتوازى بـ350 جنيه، والحجم الأصغر بـ175، الحلق أو الرينج بـ280، والعقلة بـ225، وسعرها بالشريط الخاص بيها 280، وطبعاً دى أسعار رخيصة جداً عن أى محل».

«زياد» ليس الوحيد الذى يقوم بتصنيع الأدوات الرياضية، حيث صار على نفس النهج خالد عادل، وقام بتصنيع أدوات بسيطة يمكن استخدامها داخل المنزل، أو اصطحابها لأى مكان وسهولة اللعب بها: «الأوزان الخشبية بـ225 جنيه، والمتوازى الأرضى بـ175.. اللى بيحط دماغه فى حاجة بيعرف يعملها، وده اللى أنا عملته لما لاقيت ناس كتيرة عايزة تجيب أدوات تلعب بيها فى البيت وغالية جداً، والحاجات اللى باعملها دى بسيطة وباستعمل البدايل زى الساند باج بشترى كَفَر جلد وأقفّله عند الترزى وأحط فيه الرمل وأبيعه بـ100 جنيه».

أحمد طارق، خاض تجربة شراء بعض الأدوات الرياضية التى تستخدم فى المنزل، ولا يرى أى فروق بينها وبين التى تنتجها الشركات الشهيرة: «كنت فاكر لو اشتريت أى حاجة للرياضة من مكان غير الشركة بتاعتها هتطلع سيئة، وده غير صحيح، أنا اشتريت المتوازى، ولاقيته أحسن من الموجود بره وأرخص، والأهم إن اللى اشتريت منهم فاهمين يعنى إيه رياضة، وبصراحة حاجاتهم نضيفة».