مطعم يقدم خصماً للسناجل.. «اللى محدش عمل لهم حساب»
مطعم يقدم خصماً للسناجل.. «اللى محدش عمل لهم حساب»
- عيد الحب
- فيس بوك
- محافظة الإسكندرية
- هذا اليوم
- أبواب
- أحمر
- عيد الحب
- فيس بوك
- محافظة الإسكندرية
- هذا اليوم
- أبواب
- أحمر
فى الوقت الذى تحتفى فيه بعض المحال والمطاعم بتقديم عروض خاصة ومخفّضة للمحبين فى عيد الحب، بالأمس، فرض مطعم بشارع المعسكر الرومانى فى محافظة الإسكندرية، بعض التعليمات الصارمة، لإنصاف السناجل فى هذا اليوم، حيث افتتح أبوابه بخصومات تتراوح بين 15% و25%، معلقاً لافتة بهذه التعليمات على أبواب المحل، وعلى صفحته على موقع «فيس بوك»: «ممنوع دخول المرتبطين، المكان مفتوح للسناجل بس».
قدّم المطعم خصومات لكل المتردّدين فى هذا اليوم، شرط أن يكونوا عدداً فردياً، حتى لا يتركوا فرصة لتجمّع كل زوجين معاً: «العدد بيكون من أول 3 أفراد أو 5 أو 7 لحد العدد اللى جاى، وعلى أساسه بيتحدّد الخصم اللى هيستفادوا به»، حسب أحمد محمد، مسئول الفروع بالمطعم، مؤكداً أن المطعم حاول جذب انتباه السناجل، من خلال تعليق لافتة فى استقبالهم، رُسم عليها شاب وفتاة وخط تحذيرى يعنى ممنوع الدخول: «كل الناس بتحتفل بالحبيبة، ومحدش بيعمل للسناجل حساب، إحنا فى المطعم بنعمل لهم حساب».
امتدت الخصومات بالمطعم على مدار اليوم، منذ 12 ظهراً، وحتى 12 مساءً، فصاحب المطعم يميل إلى جو الألفة والأُنس، الذى يقوم به السناجل طوال جلستهم: «الصحاب والجروبات الكبيرة دى بتبقى فرفوشة، هييجوا يضحكوا ويتبسطوا ويبسطونا معاهم، بعكس المرتبطين، كل واحد قاعد فى حاله، ولوحده على جنب، ده غير الأحمر الكتير اللى هنشوفه طول اليوم، وصاحب المكان مالوش فى الجو ده». بالإضافة إلى ذلك، يقوم المطعم بعمل حفلات خاصة للبنات مساء كل يوم أحد، علاوة على أنه يقدم مشروباً مجانياً مساء كل اثنين.
