أصحاب منافذ بيع القمامة: لما أدفع للمحافظة 2000 جنيه.. أنا آخد كام؟!

09:06 م | الاثنين 19 فبراير 2018

تركوا أعمالهم القديمة وقرروا الاستثمار فى القمامة ضمن مشروع محافظة القاهرة، الذى يفتح المجال أمام المواطنين لبيع القمامة فى منافذ مخصّصة لذلك، بعد نحو عام من المشروع بدأت شكاوى العاملين فيه من الرسوم المفروضة عليهم من قِبَل المحافظة، فبعد أن كانت سنوية أصبحت شهرية، وهو ما يُهدّد بتوقف المشروع، حسب تأكيد أصحاب الأكشاك لـ«الوطن».

«إحنا مش فاهمين حاجة.. وعايزين سبب واضح علشان ندفع 2000 جنيه شهرياً بدل سنوياً.. إحنا مابنكسبش كل ده»، كلمات عمرو محمود، صاحب أحد منافذ القمامة بالمطرية، الذى يؤكد أن شركاءه فى المشروع تركوه بسبب عبء الرسوم الشهرية: «الأول كان شغال معايا 3، دلوقتى بقيت لوحدى علشان مش عارف أجيب مرتبات للناس منين». يروى «عمرو»، أنه لم يأتِ حتى الآن أى خبراء أو لجنة لتقييم المشروع، وحصر الأرباح ومتابعة الخدمة المقدّمة للمواطنين: «بناءً على إيه المحافظة تفرض رسوم من غير ما تعرف نسب الأرباح.. مش بعد ما كلفنا بمجهودنا الشخصى هنهدم المشروع.. الدولة ليه مش شايفة أن ده مشروع خدمى مش ربحى».

يرى الشاب أن المناطق الشعبية يجب أن يكون لها استثناءات خاصة: «الناس هنا محتاجة فلوس الزبالة، وزبالتهم أصلاً مش بتجيب فلوس، يعنى فكرة إننا نكسب مابقتش مطروحة».

{long_qoute_1}

جرجس رائف، صاحب منفذ قمامة بشبرا، كان يتوقع أن يُسهم المشروع فى تربية الجيل الجديد على المناظر الجمالية، وكيفية المحافظة على البيئة، لكنه يرى أن ما تتّخذه المحافظة من قرارات تضر بالمشروع وبالصالح العام: «الأطفال دلوقتى بينضفوا الشارع وبييجوا علشان ياخدوا فلوس.. المحافظة كده بسبب قراراتها هتهدم مشروع ناجح»، مؤكداً أنه دفع نحو 70 ألف جنيه ليُنفّذ المشروع مع زملائه، بهدف الربح: «لكن بعد فرض 2000 جنيه علينا مش هنقدر نكمل كده.. بقت قطمة وسط».

ترك عبدالفتاح حسين مهنته الأصلية، واتجه إلى بيع القمامة عبر منفذ فى الزاوية الحمراء، وبعد أن تفرّغ لهذا المشروع أصبح يؤرقه العبء الشهرى: «عبء غير متوقّع، مفيش لجنة قيّمت وعرفت متوسط الأرباح إيه علشان تفرض المبلغ ده».

يرى «عبدالفتاح»، أن المشروع ما زال فى طور التجربة ويحتاج إلى قوة أكبر تساعد على انتشار ثقافة بيع القمامة: «الناس لسه ماتعرفش فكرة فرز مخلفاتها، محتاجين حملات موسّعة، مش نهدم المشروع قبل ما يبدأ»، مؤكداً أنه ليس من العدل فرض هذه الرسوم وتهديد العاملين فى المشروع: «الكل بيستفيد من أول الطفل اللى فى الشارع لربات البيوت، لكن مارعيناش العاملين فى المشروع لما يسيبوا شغلهم علشان الفلوس مابتكفيش».