محمد رضا
دخل قلوب الناس بجدعنته، فمثل دور ابن البلد وضابط البوليس وابن الحارة، ليعرف بأنه أشهر معلم في السينما المصرية، خفة ظله جعلته يحقق نجاحا واسعا في عالم الفن، بضحكته البشوشة الطفولية وجلبابه وعمته رغم ضخامة جسده.
وفي لقاء له طغى عليه طابع الفكاهة، ببرنامج "هذا المساء"، مع الفنان سمير صبري، تحدث الفنان محمد رضا، عن انتمائه الكروي قائلا: "أنا زملكاوي.. والأهلي والزمالك زي الفلفل والشطة في حياتنا، وأنا ليا حبايب ولاعيبة أهلاوية عادي".
وروى رضا، موقف كوميدي عقب مباراة للأهلي والزمالك، جمعه بالفنان صلاح السعدني "مرة اتغلبنا وكنت متراهن أنا والسعدني أنه يكون عندنا شجاعة وروح رياضية، ونتقابل عند واحد صاحبنا، عقب المباراة، واللي مش هييجي هو الضعيف، فلما اتغلبنا قعدت أفكر أعمل إيه، ومحتار مش عارف اتصرف إزاي، فلقيت حتة قماش بتاعة بنتي لونها أحمر، وفردت القماش وحطيته على كتفي ودخلت على صاحبي وقابلت السعدني فضل يضحك، قلتله جايب كفني على كتفي".
وتابع رضا "لو لم أكن زملكاويا لوددت أن أكون زملكاويا"
"ولو كنت في عالم الحيوان كنت أتمنى أكون فيل، لأن التكوين بتاعي قريب ليه ومش هيبقى صعب، وانا بعتبر الفيل ملك الغابة الحقيقة لأنه من أقرب الحيوانات وأكثرها ألفة مع الإنسان، لكن إذا غضب دمر الدنيا، وأقوى من الأسد وعنيد"، .
تعليقات الفيسبوك