كشك شاى وقهوة على رصيف محطة الحلمية صباح الخير يا مترو
الكشك فى محطة الحلمية
بين زحام مترو الأنفاق وضجيجه المتواصل وتكدس الركاب أمام الأبواب، اتخذت مجموعة من الشباب من رصيف محطة مترو حلمية الزيتون، مكاناً لتأسيس مشروع خاص بهم، يبيعون من خلاله المشروبات الدافئة من الشاى والقهوة والنسكافيه بأسعار بسيطة، وبخدمة سريعة تناسب الراكب المتعجل.
«على الرغم من أن إيجار المكان غالى، لكن الناس فى المترو كتيرة، وده كان هدفنا عشان المشروع ينجح، كمان إحنا بنقدم خدمة مختلفة مش موجودة فى باقى المحطات، وده اللى ميزنا عن غيرنا».. كلمات بهاء العشرى، الرئيس التنفيذى لإحدى شركات البن، والمشرف على المشروع، فهو يعتبر أن مترو الأنفاق هو أنسب الوسائل لتدشين المشروع، نظراً لكثرة عدد المواطنين المترددين عليه طوال الوقت فهو لا يهدأ على مدار الساعة: «الناس بتيجى علينا عشان أسعارنا بسيطة جداً وتناسب أى حد راكب المترو، ده غير إنه مش هيضطر يخرج ويدخل لأنه على الرصيف من جوه»، ويصل سعر كوب القهوة إلى 5 جنيهات، والشاى 4 جنيهات، والنسكافيه 12 جنيهاً. ويقدم الكشك أيضاً بحسب «بهاء» مشروبات خاصة للمواطنين الذين يتبعون أنظمة غذائية معينة لتقليل الوزن، ومنها الشاى الأخضر وقهوة «فيجى»: «وجودنا فى محطة ليها مدخلين أفضل من محطة مركزية ليها أكتر من بوابة، لأن المحطة اللى ليها بوابات كتير مش كل الناس تشوفنا، عكس محطة زى حلمية الزيتون، فيها تكدس وواسعة، وتقريباً كل الناس معدية على منطقة الكشك»، مؤكداً أن الكشك يعمل طوال ساعات عمل المترو.