بريد الوطن| بنتى ملاك
بريد الوطن| بنتى ملاك
بنتى التى بحجم أكبر معجزة
بنتى السفينة المنقذة
اللى اتبنت بدعوة منى للإله
يارب إنى مسنى ضُر الحياة
فهب لى فرحة من لدنك
وهب لى من فيضان همومى طوق نجاة
بنتى اللى جت من دمعتين لما التقوا
على خد سجادة صلاة
وأما بعد: حبيبتى الغالية بكتبلك ف عيد الحب
عشان فعلاً وجودك انتى هو العيد
يا حلم جميل بيتمرجح على ضلوعى ويتنطط ف كل وريد
يا بت ملاك بدون جناحات لكن طاير ف قلبى سعيد
أنا مش عارفة ليه جنبك ووحشانى
ويمكن ده اللى خلانى أفضفض حبة ليكى وابوح
وبسأل ليه خروج الروح من الأبدان بيعنى الموت
وأنا اللى حياتى بدأت بس لما خرجتى منى الروح
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
