بعد نجاح "اضحك لما تموت".. عصام السيد: شكرا لأبطال العرض المجهولين
مشهد من "اضحك لما تموت"
توجه المخرج عصام السيد، بالشكر إلى "الجنود المجهولين" الذين تعاونوا معه، لتقديم العمل المسرحي "اضحك لما تموت"، والذي يعرض حاليًا على المسرح القومي.
وكتب "السيد" على حسابه الخاص على موقع التواصل الاجتماعي "فيس بوك": "الحمد لله علي نجاح عرض (اضحك لما تموت)، وشكرا لكل الكتابات النقدية والصحفية، بس فيه ناس لازم أشكرهم شكر خاص جدا ولهم عندي تقدير كبير جدا ومحدش بيكتب عنهم لانهم جنود مجهولين ولا حتى اسمهم على الأفيش ".
وعبر المخرج، عن شكره للأبطال قائلا: "فاطمة المعدول اللي وقفت جنبي كتير جدا، أحمد عصام السيد، اللي عمل حاجات كتير متبرعا لكن أكتر حاجة بشكره عليها إنه استحملني، مصمم الأفيش والبرنامج أحمد سعيد، وإخواتي وأصدقائي مدحت يونس ومحمد صفوت وسيد هنداوي ومحمود وأحمد ومحمود جمال وفنيين وعمال المسرح القومي فردا فردا -ما عدا اتنين- وعز حلمي اللي مابيشتغلش في المسرحية ومع ذلك متابع مشاكلنا التقنية وبيحلها، وجمال حجاج وفؤاد السيد واحمد شاكر، اللي من غيرهم القومي ما يبقاش قومي ومحمد فاضل ومحمد أبويوسف والراقصين اللي استحملوا معانا بروفات 3 أشهر".
المسرحية من بطولة نبيل الحلفاوي، محمود الجندي، سلوى عثمان، إيمان أمام، تامر الكاشف، أحمد زكريا، وديكور محمود الغريب، ملابس نعيمة عجمي، موسيقى هشام جبر، استعراضات شيرين حجازي، إخراج عصام السيد.