بشرى للنباتيين: «برجر وشاورما وبيكاتا» من خلاصة القمح
صورة أرشيفية
«نباتيين آه.. لكن هناكل لحمة» شعار رفعه عدد من النباتيين مؤخراً بعد اختراعهم لحوماً نباتية مصنوعة من القمح الخالص، لحوم أطلقوا عليها اسم «السيتان» حتى تعوضهم عن اللحوم التى حرموا أنفسهم منها بإرادتهم، أملاً منهم فى خسارة الوزن الزائد أو لكرههم تناول كل ما به روح.
نغم أمير، من النباتيين الموافقين على الفكرة، قامت بالتجديد فيها وتنفيذها وتقديمها لصديقاتها بطرق مختلفة، تارة استخدمتها فى عمل البرجر وتارة أخرى فى عمل الشاورما والبيكاتا: «عرفت الطريقة بتاعتها من بعض أصدقائى الأجانب من 3 سنين».
لعمل «السيتان» نقوم بنقع الدقيق فى إناء به ماء حتى نتخلص من النشا الزائدة فيه: «لازم أشيل النشا لأن الهدف مانزيدش فى الوزن، بحطه تحت ماء جارى لحد ما نستخلص الجلوتين من القمح». وحتى نحصل على اللحم نقوم بسلق العجين المستخلص وهو مغلف فى ماء به جزر وبصل وكرات وثوم لإعطائه النكهة: «بعد ما بنطلع مستخلص القمح وهو عجين قبل السلق بنضيف ليه بهارات اللحمة وجنزبيل وحلبة وورق لاورا».
تتعامل «نغم» مع اللحم بعد السلق وكأنه لحم عادى، تشكله على طريقتها الخاصة: «عملت منه كفتة وبرجر وبيكاتا وشاورما واستيك.. فيه كتير بيدوقوه وبيفتكروه لحمة عادية، طعمه قريب جداً ليها»، ثلث ساعة هو الوقت الذى تستغرقه فى عمل وصفاتها المختلفة: «مابتاخدش وقت خالص، نفسى المطاعم تنفذ الوصفة هيلاقوا زباين كتير جداً من النباتيين اللى مش بيعرفوا يعملوها وبيكونوا محتاجين بديل للحمة».