شبرا والمعادي في الانتخابات الرئاسية من النجمة: انزل شارك

11:32 ص | الاثنين 26 مارس 2018

مسلمون ومسيحيون، كبار وصغار، الكل يغنى ويهتف بحماسة: "انزل شارك.. تحيا مصر"، ابتسامات حقيقية وفرحة تكاد تقفز من الوجوه، وسعادة غامرة، هى شعور أغلب المصريين أمام المدارس الانتخابية باختلاف المناطق، الذين قرروا الوقوف بالطابور "من النجمة"، قبل ميعاد التصويت الرسمي بـ3 ساعات في الانتخابات الرئاسية.

إيمان محمد، من سكان المعادى، وواحدة من الذين وقفوا أمام المقار الانتخابية من الساعة 6 صباحاً: "نزلت قبل ميعاد الشغل من بدري عشان احتفل مع جيراني وأصحابي، لأننا كنا متفقين نقف من بدري عشان نتجمع زي الانتخابات اللي فاتت، لأنه حدث والعالم كله بيتكلم عنه وإحنا لازم نشرف بلدنا بإثبات وجودنا، لازم الكل يشارك".

حالة من الفرحة انتابت الطبيبة الثلاثينية، بسبب أعداد جيرانها المشاركين بالتصويت في الانتخابات خلال الساعات الأولى: "تفاجأت من عدد الناس اللي نزلوا قدام المدارس، وأغلبهم عندنا نزلوا من بدري قبل ميعاد شغلهم، وحسيت إننا رجعنا لأيام الانتخابات الجميلة من 4 سنين".

تحت مظلة وضعتها مقار المدارس الانتخابية بشبرا الخيمة، وقف أحمد ثابت، المحاسب الخمسيني، وسط أجواء من الفرحة في أثناء مشاركته في الانتخابات الرئاسية، قبل الذهاب إلى عمله بمنطقة المهندسين: "اتفقت أنا وأصحابي ننزل من بدري قبل شغلنا، عشان الفكرة مش إننا نشارك في الانتخابات بس، الفكرة إن وقفتنا وفرحتنا ونزولنا بيثبت للعالم كله إننا إيد واحدة، وإن مفيش حاجة بتوقفنا وماشيين في الطريق الصح"، مضيفاً: "الفكرة مش في النزول بس، الفكرة إن يبقى عندنا وعي إننا نشارك عشان بلدنا تستاهل أكتر من كده، وفي ناس كتير نزلوا من أصحابي في أكتر من منطقة، لأن نزولنا أقل حاجة ممكن نقدمها للجنود الشهداء اللي راحوا عشان يحمونا وتفضل مصر بخيرها وناسها الطيبين".