خصم 30% وتقسيط 6 شهور.. نقاش يقدم عروضا للناخبين: علشان الكل يفرح
خصم 30% وتقسيط 6 شهور.. نقاش يقدم عروضا للناخبين: علشان الكل يفرح
"بمناسبة الانتخابات والفرحة اللي عمت في شوارع مصر، لما تكلمنا هتاخد خصم 30%، وتقدر تقسط معانا على 6 شهور".. إعلان طرحته إحدى الصفحات الخاصة بأعمال الدهانات والديكور، تزامنا مع انطلاق ماراثون انتخابات الرئاسة في الداخل، رغبة من القائمين عليها في مشاركة أبناء الشعب المصري فرحتهم بأجواء التصويت.
عرض بدأ في 26 مارس الجاري، والمقرر استمراره لمدة شهر كامل من تاريخ إعلانه، يقدم للعملاء خصما على قيمة المبلغ المطلوب سداده يصل إلى 30%، وبحسب قول عدنان أحمد صاحب الفكرة وأحد الشباب المشارك في تأسيس الصفحة، "فكرنا نساعد الناس عشان نزود فرحتهم الأيام دي والحمدلله جالنا شغل زيادة وهنبدأ نعاين الشقق".
صاحب الفكرة البالغ من العمر 26 عاما، وشارك في التصويت بانتخابات الرئاسة، قال في حديثه لـ"الوطن"، إن العرض مستمر لمدة شهر كامل من تاريخ الإعلان عنه، إضافة إلى إمكانية تقسيط التكاليف الكاملة على 6 أشهر للتسهيل على المواطنين.
ويضم فريق العمل عددًا من النقاشين والمتخصصين في الديكور، وطلاب قسم الديكور والعمارة في عدد من الكليات، حسب قول عدنان.
