«سيد» بائع ملابس الأطفال
ملابس لأطفال لا تتعدى أعمارهم العامين تسببت فى جدل واسع فى شارع السيدة عائشة، فبينما أقبل البعض على الشراء، اكتفى آخرون بإطلاق الضحكات أو قام بتصويرها، حيث تحمل أعلام فريقى كرة القدم الأهلى والزمالك.
سيد زكريا إبراهيم، وضع بضائعه على «ستاند» ومنضدة خشبية، كعادته منذ سنوات طويلة، لكن رد فعل الزبائن جاء مغايراً: «اللى يسألنى عن السعر، واللى ينسى السالوبت ويتكلم فى الكورة»، مشيراً إلى أنه يبيع الـ«سالوبت» مقابل 15 جنيهاً، ويرفض الفصال: «سعر مناسب للجميع، خاصة إنها موديلات لسّه نازلة للمواليد الصيف ده»، قراره بشراء كميات أكبر من سالوبتات النادى الأهلى راجع لعملية البيع والشراء.
«سالوبت» الأهلى هو الأكثر مبيعاً، وفقاً لـ«زكريا»: «ماليش فى الكورة، لكن اللى أعرفه إن الأهلى بيبيع أكتر من الزمالك. يعنى 6 أو 7 سالوبتات للأهلى يتباعوا، مقابل واحد للزمالك. الناس غاوية الأهلى وبتحبه، وده اللى أنا ملاحظه، رغم إنى مش متابع ماتشات».
تعليقات الفيسبوك