بريد الوطن| رَمت خوفها
بريد الوطن| رَمت خوفها
وزى اللى ف يوم خافت
على المولود
ولما آتاها وحى الله
بإنه إليها يوم هيعود
رمت خوفها ف صندوقه
معاه ف اليم
وأنا اللى أصابنى
من أشواقى ليك.. الهم
رميت حبى أنا ف يمك
وخُفت عليك كما أمك
فمتظنش ف حبى السوء
أنا اللى ربطت أيامى
بحبل الود ف الصندوق
وسِبتك فوق ضفاف الفرح
وأنا قلبى الحزين مخنوق
ولما وصلت بر أمان
وكان ع الشط ألف هامان
و١٠٠ فرعون بيندهلك
بتسقيهم حنان روحك
وتسقينى أنا سمّك
وتحسبنى إن أنا ناسياك
ده أنا النسمة اللى بتحرك
ستارة الحزن ف الشباك
وأنا اللى كل يوم العصر
سبع مرات أطوف القصر
وأضم الباقى منا هناك
لكن شايفاك
نجلاء نعيم
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي
bareed.elwatan@elwatannews.com
