3 أصدقاء لم تمنعهم امتحانات الثانوية من أعمال الخير.. "فيها حاجة حلوة"
"لا راحة حتى في أوقات الراحة".. شعار رفعه الأصدقاء الثلاث، "محمد وشريف وأحمد"، مستغلين وقت فراغهم من المذاكرة في أيام الامتحانات في مزيد من العمل الخيري، بحثًا عن زيادة الحسنات وتحقيق مكاسب أكبر وأبقى في الآخرة، الهدف الذي بدأوا بالفعل في تحقيقه من خلال إعداد البلح وكراتين رمضان لتوزيعها على بسطاء منطقتهم ببولاق الدكرور.
لم يستقطع الأمر من الأصدقاء الثلاث، سوى بعض الجهد الإضافي لعمل الخير، وزيارة البسطاء بجانب المذاكرة والامتحانات قبل أيام من حلول الشهر الكريم، يجتمع الأصدقاء الثلاثة بمنزل شريف مصطفى، الطالب بالصف الأول الثانوي، 16 عامًا، لإعداد كراتين رمضان تمهيدًا لتوزيعها بحسب خطتهم: "احنا قعدنا نمتحن لحد قبل رمضان بيوم، وطول الفترة دي كنا بنذاكر وبنحضر كراتين شنط رمضان عشان نوزعها على المحتاجين من قبل رمضان ولحد دلوقتي".
اعتاد "شريف" واصدقائه على عمل الخير في رمضان مهما كانت الظروف بحسب وصفه، فيقول: "احنا صحاب من واحنا صغيرين، وأهالينا عودونا إننا نعمل الخير في رمضان لما كنا بنساعدهم، دلوقتي احنا اللي بقينا نجمع الفلوس ونشتري بنفسنا البلح ومستلزمات رمضان ونعد كراتين وشنط ونوزعها كمان على المحتاجين"، مضيفاً: "من واحنا عندنا 10 سنين واحنا متعودين نعمل الخير، والسنة دي رغم أن رمضان جيه وأحنا بنمتحن بس ممنعناش نكمل الخير اللي اتعودنا عليه، والحمد لله قدرنا نوصل كراتين وشنط رمضان لعدد كبير من المحتاجين السنة دي".
تعليقات الفيسبوك