خالد الجندي: الخرزة الزرقاء و"خمسة وخميسة" شرك بالله
خالد الجندي
حذر خالد الجندي عضو المجلس الأعلى للشئون الإسلامية، إن بعض الناس تستخدم بعض الأقوال التي بها تشاؤم ما يدخلهم في شرك بالله، منها: "الشبشب المقلوب بيجيب الفقر، والقطة السودا وخلافه".
وتابع الجندى، خلال حلقة برنامجه "لعلهم يفقهون"، المذاع على فضائية "dmc"، اليوم الخميس: "مفيش حاجة ممكن تجيبلك النحس أو الفقر اللى بيقول الكلام ده بيدخل فى الشرك بالله، الله ليس عنده شيئ بعشوائية ومفيش حاجة بتيجى بالحظ كل شيئ عنه مقدر".
واستكمل الجندي: "مفيش خرزة زرقاء ولا خمسة وخميسة وشبشب على الحائط بيجيب الحظ ويزيح النحس ، ده حالة من حالات الوثنية التى وقع فيها الناس، لازم نفهم إن الحظ بيكون في العمل يعني هتصلي وهتستعين بالله هو هيكرمك، غير كده شرك".