محمد دياب: الثأر والانتقام أفكار مدمرة والتعامل معها "حساس"
محمد دياب
علق الكاتب والمخرج محمد دياب مؤلف مسلسل "طايع"، على ردود أفعال الجمهور حول المسلسل بعد مقتل "ضاحي" في حلقة الأمس من المسلسل، موضحا سبب قتله، وذلك عبر حسابه على "فيس بوك"، قائلا: "من ساعة حلقة موت فواز وبعدها مهجة، الناس تعليقاتها تحولت لمظاهرة عاوزه تشوف دم وانتقام، حتى الصديق الرومانسي الموهوب تامر حبيب كتب إنه عاوز يشوف كل ولاد حربي ميتين قبله".
وتابع دياب: "الانتقام غريزة طبيعية وتقريبا معروف دراميا أن أي تيمه انتقام بتنجح، بس احنا كصناع طايع شايفين التار ده لعنة، ومكانش ممكن يكون اختيارنا شعبوي فكان لازم يكون طريق الانتقام مفروش بشوك وله تمن كبير، كان هيبقي مرضي للناس اكتر بكتير لو حد تاني من ولاد حربي اللي مات امبارح ومكنتش موجه الغضب دي هتحصل بس هي مقصوده عشان كل اللي اتجروا مع الشخصيات، وتملكهم الغضب يعرفوا ويحسوا الشخص اللي بيسيب نفسه للانتقام بيحصله ايه، الثأر والانتقام أفكار مدمرة، التعامل معاها لازم يبقي حساس وبطريقه متبقاش جماهيرية وبس، تابعوا طايع لآخر يوم وبعدها نبقى نتحاسب".