عمر طاهر يودع "صنايعية مصر": "كدة رضا.. إجازة بقا"
عمر طاهر
أعلن الكاتب الصحفي عمر طاهر، عن إنهاء برنامجه "صنايعية مصر" على إذاعة "نغم إف إم"، وإنهاء تعاقده مع راديو النيل، متوجهًا بالشكر إلى إدارة راديو النيل.
وكتب "طاهر"، على حسابه الخاص عبر "فيس بوك": "لما جيت أوقع العقد حسيت إن سنة كتير قوي، فجأة خلصت السنة في مارس اللي فات، خلص العقد والرعاية، وللأمانة محدش قال لي أمشي، بس جه الوقت اللي بأقدم فيه الشكر لإدارة راديو النيل والاعتذار وإنه تمام كدة رضا، إجازة بقى".
وتابع "طاهر": "لازم أقول إني كنت محظوظ بالعمل مع إدارة فتحت لي الهوا بالساعات اتكلم عن الناس اللي بحبها؛ صنايعية مصر، من المهندس ميشيل باخوم لحد النبوى المهندس و تومى خريستو و الخواجة ماتوسيان، ومن أبلة نظيرة لحمزة الشبراويشي وأندريا رايدر".
وتابع "طاهر": "سمحولي بإذاعة كنوز التسجيلات النادرة من بليغ وفايزة لـ جاهين وفؤاد حداد وشادية ومحمد فوزي، فتحوا لي الهوا أنعي واحتفي بـ أحمد خالد توفيق، ومكاوي سعيد، وصلاح عيسى".
واختتم "طاهر" حديثه قائلا: "كانت تجربة ممتعة بصدق، وأتمنى إنها تتكرر تاني في فرصة قريبة علشان أصل أنا حبيت الموضوع قوي، وشكرا للإدارة الشاطرة اللي ساعدتني كتير وتفهمت أي اختلافات في وجهات النظر".