محمد الدسوقي رشدي لـ محمد رمضان: "نسب المشاهدة مش كل حاجة"
محمد الدسوقي رشدي
أعرب الإعلامي محمد الدسوقي رشدي، عن استياءه الشديد، من الشكل الذي ظهر فيه الفنان محمد رمضان، خلال الفيديو كليب الجديد له "نمبر وان"، متسائلًا عن عدم إداراكه بانخفاض نسبة مشاهدات مسلسله الأخير "نسر الصعيد"، أمام مسلسلات الفنان يحيى الفخراني وعادل إمام ونيللي كريم وأمير كرارة.
وكتب "الدسوقي رشدي" عبر حسابه الشخصي على موقع التواصل الاجتماعي "فيس بوك": "إزاي مش مدرك مثلا إن مسلسه السنة دي فشل فشل ذريع واتسحق تماما قدام يحيي الفخراني، وعادل إمام ، وأمير كرارة وأحمد عز ونيللي كريم ومصطفي شعبان"، متابعًا: "إزاي بجد مش واخد باله من كل ده.. إزاي مش واخد باله إنه نسب المشاهدة مش كل حاجة.. إزاي شخص يبقي عايش وهم النجاح وشاغل نفسه بالمكايدة".
وأضاف الإعلامي: "الحقيقة بقي إن رمضان كممثل كذبة كبيرة، ومش أحمد ذكي ولا عمره هيكون، ده واحد بيلعب كل الأدوار بنفس الطريقة"، متابعًا: "قماشة حلوة آه، بس مش ممثل عظيم ولا حتى رائع ولو على التمثيل هو ميجيش ربع فتحي عبدالوهاب مثلًا".
وتابع "الدسوقي رشدي" بقوله: "ولو على الشهرة ونجم شباك وكدة، دي لعبة مواسم اتعودنا عليها في السينما والدراما، بس اتعودنا كمان إن نجم بلا عقل ولا أخلاق ولا منهج مش هيكمل كتير".