المونديال يُنعش مشروعات المصريين فى روسيا.. رُبّ «خسارة» نافعة
حمادة الأعصر مع إسلام الشاطر فى محله بروسيا
حالة من النشاط والرواج التجارى تشهدها مشروعات المصريين المقيمين فى روسيا، بسبب الوفود الكبيرة التى تزور روسيا حالياً لمتابعة مباريات منتخباتهم فى مونديال 2018، وأغلبها كافيهات أو مشروعات صغيرة لها علاقة بالأكل المصرى.
حمادة الأعصر، صاحب مطعم فى بطرسبرج، وجدها فرصة قوية لنشر ثقافة الأكل المصرى بين جنسيات متعددة: «أجانب كتير استغلوا وجودهم فى روسيا، وجربوا الأكل المصرى البلدى والفلاحى المعروف، زى طاجن البامية واللحمة بالبصل والفراخ الصينية، والرز المعمر». يشهد مطعم «الأعصر» إقبالاً كبيراً من الأجانب خصوصاً الإيطاليين والفرنسيين: «دول أكتر ناس جولى المحل من أول ما كأس العالم بدأ وحبوا يجربوا الأكل المصرى».. أسعار الأكل المصرى بسيطة مقارنة بالأكلات الأخرى، سعر طاجن البامية باللحم، يصل إلى 160 روبل، أى ما يعادل 45 جنيهاً مصرياً، واللحم بالبصل بـ500 روبل، أى 141 جنيهاً.. يعد «حمادة» واحداً من أكثر المصريين شهرة فى الأكل المصرى فى روسيا: «جيت هنا من 16 سنة، والروس بيحبوا الأكل بتاعى خاصة ورق العنب والشاورما».
شوكت عبدالله، صاحب مقهى للشيشة فى بطرسبرج، يرى أن الروسيين مغرمين بـ«المعسل المصرى»: «الشيشة دى مزاج عند الروسيين، بس من ساعة ما داقوا الشيشة المعسل بتاعة المصريين ومابيسيبوهاش، حتى الأجانب اللى جم ساعة تشجيع كاس العالم بيطلبوا المعسل المصرى». افتتح «شوكت» محله منذ 7 سنوات، ويقدم حجر المعسل على مياه بـ1000 روبل، أى 200 جنيه مصرى، وهناك أنواع أخرى من الشيشة يفضلها الروسيون والأجانب قبل أن يتعرفوا على حجر المعسل وهى «شيشة على اللبن بـ1200 روبل، أى 339 جنيهاً مصرياً، وشيشة على عصاير مختلفة بـ1300 روبل، أى 367 جنيهاً»، ومن أكثر الشعوب التى اندمجت مع المعسل المصرى الأمريكان والإماراتيون: «دول أكتر ناس كانوا بيجولى المحل، يطلبوا معسل قص أو سلوم، إنما المصرى لما خرج وشرب الشيشة اللى بنعملها والروسيين متعودين عليها محبهاش وبقى يطلبها زى ما متعود عليها فى مصر».