أولتراس "ديفيلز" تدعو لتجمع الأربعاء أمام النادي تضامنا مع محتجزي "أهلاوي"

أعلنت مجموعة أولتراس "ديفيلز" الضلع الثاني لجماهير الأهلي بالإسكندرية والمحافظات، تجمعها يوم الأربعاء المقبل أمام النادي الأهلي تضامنا مع دعوة أولتراس "أهلاوي" لإقامة مسيرة سلمية تنديدا برفض الاستئناف ضد تجديد حبس 25 من أعضاء "أهلاوي" على خلفية اشتباكات مطار القاهرة. واستعانت المجموعة في بيانها على صفحتها الرسمية على "فيسبوك" بكلمات قصيدة "ضحكة المساجين" للشاعر عبد الرحمن الأبنودي "تغازل العصافير قضبانها .. زنزانة لجلك كارها سجنها .. دوق زينا حلاوة الزنازين، على بورشها بتمد أطرافك .. سجانك المحتار فى أوصافك.. مهما اجتهد ما هيعرف انت مين". وأكدت المجموعة أن رفض الاستئناف دليل على عودة الدولة البوليسية والقمع والظلم في أزهى صوره –على حد وصفها- مشيرة إلى أن "القرار سياسي واضح الملامح في قضية ملفقة"، وتابع "مفيش دليل، مفيش فيديوهات، أحراز ساذجة ملفقة، كل هدفهم إنهم يكسروا أي حاجة متماسكة، بيحاولوا يكسروا الشباب اللي هو أمل المستقبل، أي صوت بيطالب بحريته حتى لو صوت جماهير في مدرج بيعملهم مشكلة". وأكمل البيان "اللي هما مش عارفينه ان أي محنة بتزيدنا قوة واصرار، بنقوم بعد كل أزمة أقوى من الأول، الأولتراس علمتنا ما نخافش، الرجالة جوا مش خايفين، هما اللي حبسينهم بأفكارهم وقوتهم وثباتهم على مبدأهم". واختتمت المجموعة بيانها: "غياب القانون يؤدي إلى سيادة قانون الغاب، هنفضل نحارب بعلقليتنا اللي هتفضل أقوى من رصاصكوا وكلابشاتكوا".