أرادوا أن يوفروا قدراً من الأمان أثناء الوجود فى المياه، ويطمئنوا الأهالى على أطفالهم بعد انتشار حوادث الغرق، فطرحوا «المايوه العوامة»، الذى لفت الأنظار كحل عملى واقتصادى يسمح بمرور الموسم الصيفى بسلام.
ياسمين محمد، إحدى العاملات فى مجال بيع المايوهات الـ«أون لاين»، لاحظت منذ اللحظة الأولى لطرحها المايوه العوامة على صفحتها بموقع التواصل الاجتماعى «فيس بوك»، حجم الإقبال الكبير عليه من جانب كثير من الأمهات: «الكمية اللى عندى كلها خلصت وإحنا لسه فى نصف الموسم، خاصة إنه سهل الاستخدام عبارة عن قطعة واحدة، وآمِن جداً بيخلى الطفل طول الوقت يطفو على سطح الميه، وفى نفس الوقت بيوفر ثمن العوامة، يعنى زى ما بيقولوا 2 فى واحد».
يتراوح سعر المايوه بين 145 و155 جنيهاً، وبالنسبة لطريقة الاستخدام تقول «ياسمين»: «الطفل بيلبسه الأول، وبعدها بيقوم الأهل بنفخه على مقاسه، وما ينفعش العكس، لأن هيصعب على الطفل لبسه».
صمم المايوه بشكل مبهج، حيث يضم رسوماً كارتونية بألوان مختلفة محببة للأطفال: «فوشيا وأحمر للبنات والبنى والأصفر للأولاد»، وبحسب «ياسمين»، فإن المايوه مخصص للأطفال، الذين تتراوح أعمارهم بين سنة و10 سنوات: «مناسب لأى طفل، سواء مش بيعرف يعوم أو بيعرف، وأهله خايفين عليه».
تعليقات الفيسبوك