دورة تدريبية للسيدات فقط: كيف تصنعين «صابون المواعين» فى المنزل؟
جانب من الدورة التدريبية
تدخلت الدورات التدريبية وورش العمل مؤخراً فى معظم المجالات التى تهم المواطنين، وأصبح لا غنى عنها لتعلم أو احتراف عمل معين، ووصلت إلى بعض المواد التى تستخدمها السيدات فى المطبخ وكذلك النظافة الشخصية، وهو ما عمل عليه أحد مراكز التدريب وبناء القدرات بمنطقة الزيتون، حيث نظم عدة دورات تدريبية لتعليم السيدات طريقة تصنيع صابون غسيل المواعين وصابون الاستحمام ونظافة البشرة داخل المنزل، بهدف توفير الأموال الطائلة التى يصرفها المواطنون فى شراء المنظفات.
«شاور جل، صابون سجاد، شامبو للشعر، بلسم، كريم حمام، صابون مواعين، صابون لليد».. بعض وصفات الصابون التى يحرص المركز على تعليمها للسيدات لعملها بالمنزل بدلاً من شرائها بأسعار باهظة، وتقوم مدربة متخصصة بالشرح النظرى والعملى للسيدات، مقابل 20 جنيهاً للدورة التدريبية.. «واحدة ست بتكون فاهمة فى طرق مختلفة وكتير لعمل الصابون، لأن الموضوع مش محتاج دراسة معينة، هى شغالة بتدى الدورات دى فى مركز شباب عرب الحصن، واحنا جبناها عشان تعلّم غيرها من الستات يقدروا يعملوا كل المنظفات بتاعتهم فى البيت»، بحسب عمرو أنور، مسئول المركز التدريبى، وتُعقد هذه الدورات بشكل منتظم لـ3 مرات أسبوعياً: «كل مرة بتبقى ساعتين، ساعة نظرى تشرح الطريقة بتتعمل ازاى، والساعة التانية بتخلى الستات يعملوا معاها الصابون». اعتاد «عمرو» تنظيم مثل هذه الدورات: «بدل ما الواحدة تروح تشترى الصابون ويبقى غالى وكمية قليلة، فى البيت بتقدر تعمل الكمية اللى عايزاها، وكمان بتتحكم هى عايزة تضيف إيه للخلطة بتاعتها من المواد الطبيعية، يعنى مثلاً لو بتعمل شامبو شعر ممكن تحط صبار، زيت زيتون، كل اللى يحتاجه شعرها، أفضل من اللى بتشتريه من بره».