نادٍ كوميدى يخلصك من ضغوط الحياة: إزاى تبقى شعب «ابن نكتة».. وما بتضحكش؟
أطفال فى إحدى فعاليات نادى ستاند أب كوميدى
رغم ما هو معروف عن الشعب المصرى، بأنه «ابن نكتة»، فإنه ليس هناك مجال أمام الفرق المستقلة لممارسة الكوميديا، وهو ما دفع الصديقين أحمد حسام وأحمد عبدالفتاح، لافتتاح أول نادٍ كوميدى فى مصر، متخصص فى تقديم فقرات كوميدية، نكت وأغنيات وأفلام وعروض تمثيلية، من أجل خلق جو من الفرحة والبهجة والسعادة وسط ضغوط الحياة التى لا تنتهى.
ينتمى الصديقان إلى إحدى فرق الـ«ستاند أب» كوميدى، وأسسا النادى فى شارع عدلى، بمنطقة وسط البلد، وهو مكان مقسّم إلى 3 غرف، يقدمون فى كل غرفة عرضاً مختلفاً: «بنعمل ستاند كوميدى كل يوم جمعة، فيه أوضة مخصوص بيتجمع فيها الناس اللى عندها مشاكل بتحكيها بشكل كوميدى، والكل بيشارك فى حلها، وأوضة لتشغيل أفلام كوميدى حتى لو قديمة ومعروفة، وكمان فيه كاريوكى كوميدى حد صوته وحش بيغنى، وكلنا بنضحك مع بعض»، حسب «حسام» الذى أكد أن وجود مكان ثابت لهما، وفر عليهما جهد البحث عن مكان يقدمان فيه فعاليات خاصة بالستاند كوميدى.
يشهد المكان إقبالاً كبيراً من المواطنين، خاصة فى فقرات الستاند أب كوميدى، وكذلك فقرة النكت: «بنتشارك مع بعض، مش إحنا بس اللى بنقول نكت، اللى عنده نكت بيطلع على المسرح يشاركنا بيها، الهدف كله من المكان إننا نضحك ونهزر مع بعض ونخرج من مود الزعل أو ضغوط الحياة ومشاكل الشغل ونفصل عن الدنيا كلها»، يستقبل النادى الزوار مقابل 5 جنيهات للساعة، واليوم بأكمله بـ25 جنيهاً، أما الفعاليات فتختلف أسعارها باختلاف كل فعالية.