السعد: زكي بدر قبض على مرتضى "في شوال".. واتجن بعد المعتقل
مرتضى منصور
قال أشرف السعد، رجل الأعمال المصري المقيم في لندن، إن المستشار مرتضى منصور رئيس نادي الزمالك، أصيب بالجنون جراء ما شهده في المعتقل، وأن نصف كلامه "لا يحاسب عليه".
وأضاف السعد، في فيديو بثته صفحة باسم "محبي أشرف السعد" على يوتيوب، "بعد زكي بدر وزير الداخلية الراحل ما مات، طلع يقول أنا ضربت زكي بدر بالجزمة عشان كان عايز يرتشي، وأنا اللي روحت بلغت عنه المخابرات العامة، وكان ناقص يقول أنا اعتقلت زكي بدر، طيب بلغت عنه إزاي؟ ده هو اللي راح جاب التوكيل اللي كان معمولك، واعتقلك بناء عليه، وكل ده مكتوب في المحضر، وده الحلم اللي مرتضى ما شافوش زي فيلم "اللعب مع الكبار"، وخرج من المعتقل في حالة شبه حالة فيلم "قانون إيكا"، (الذي تدور أحداثه حول أستاذ جامعي يصاب بالجنون بعد خروجه من المعتقل)".
وتابع: "أنا مش عايز الناس تتحامل على مرتضى، هو مازال عنده كابوس اسمه زكي بدر، فانا سمعته قاعد يجيب في سيرة أمهات الناس، فانا بقوله بلاش نحكي حكاية باب الشعرية أيام زكي بدر، أنا بتعفف اني اقولها، فخلي بالكم نص الكلام اللي بيقوله يتحاسب عليه ونصه التاني لا، زكي بدر حطه في شوال فعلا، وكان بيقوم من النوم مفزوع يقول (زكي بدر أهو زكي بدر أهو) كان بيعمل كده والله".