بعد انقطاع دام 30 عاما.. تويتر يجمع بين عائلتين بعد هجرة إحداها

03:35 ص | الجمعة 05 أكتوبر 2018

تسببت هجرة مواطن لإحدى الدول العربية، في ثمانينات القرن الماضي، في أن تنقطع صلته بصديقه القبطي "رأفت نصر الله"، والذي كان من المحبين إليه، وبحث عنه طويلا دون جدوى.

الابنة "نور سمير" شاركت والدها في البحث عن صديقه، واستخدمت في ذلك موقع التدوينات القصيرة "تويتر"، ونشرت صورة قديمة لوالدها ووالدتها وصديقهم على حسابها الشخصي كتبت عليها: "بدور على صديق عمر بابا وماما، اللي على شمال الصورة، اسمه رأفت نصر الله خليل، خريج آداب علم نفس، جامعة عين شمس دفعة 88 أو 87، كان ساكن في شبرا الخيمة وكان شماس في كنيسة هناك، بابا وماما سافروا في أواخر التمانينات ورجعوا من سنتين وبندور عليه"، وطالبت بمشاركة الصورة للوصول إلى مكان صديق والدها.

بدور على صديق عمر بابا وماما، اللي على شمال الصورة، اسمه رأفت نصر الله خليل، خريج اداب علم نفس جامعة عين شمس دفعة ٨٨ او ٨٧، كان ساكن في شبرا الخيمة وكان شماس في كنيسة هناك، بابا وماما سافروا في اواخر التمانينات ورجعوا من سنتين وبندور عليه, رتويت بليز؟ pic.twitter.com/RruWCCghCG
— Nur. (@noorsamir3) ٢٧ سبتمبر ٢٠١٨

وبعد فترة تعرفت إحدى الفتيات القبطيات على الصورة، وردت قائلة: "تعالي تعالي هنا.. هو دلوقتي بقى (قسيس) أسمه أبونا (أكسيوس نصرالله) لو عايزة رقم موبايله أبعتهولك".

تعالي ... تعالي هنا
هو دلوقتي بقى (قسيس) أسمه أبونا أكسيوس نصرالله
لو عايزة رقم موبايله أبعتهولك DM
— Jetta (@jettasa) ٢٧ سبتمبر ٢٠١٨

وبالفعل تواصلت نور سمير مع "أبونا أكسيوس" وتقابل مع والدها ووالدتها، بعد غياب طال لـ30 عاما، وكتبت "نور" على حسابها على "تويتر": "ماما وبابا وعمو رأفت أخيررراااا اللي حاليا بقى قسيس واسمه أكسيوس، بعد حوالي 30 سنة ميعرفوش حاجة عن بعض، اتبسطوا جدا واتفقوا على مقابلة كمان نتعرف كلنا على بعض".

ماما وبابا وعمو رأفت اخيررراااا اللي حاليا بقى قسيس واسمه أكسيوس، بعد حوالي ٣٠ سنة ميعرفوش حاجة عن بعض، واتبسطوا جدا واتفقوا على مقابلة كمان نتعرف كلنا على بعض. انا متشكرة جدا جدا جدا لكل واحد فيكم pic.twitter.com/MHA0vx4je8
— Nur. (@noorsamir3) ٣ أكتوبر ٢٠١٨