بريد الوطن| قالولى كتير
صورة تعبيرية
قالولى كتير.. بلاش تدى
حذارى ف الهوى تمدى
شراع شوقك جناح مفرود
فلو هتحاولى وتعدى
ياريت بشويش بقى واهدى
وخلى لكل خطوة حدود
وأنا مملكش غير قلبى يادوب بوصلة
يوجهنى منين ما يريد
وعارفة بإنى تايهة أكيد
وعارفة بإنى مهما سعيت
لقلبك برضه مش واصلة
واهى حاصلة
عذابى ف الهوى عادة
وجرحى ف الغرام خصلة
وأنا راضية
تكون انت كآخر نقطة ف سطورى
لكن ماقبلش أكون أبداً
أنا ف سطرك يادوب فصلة
يتشرف باب "نبض الشارع" باستقبال مشاركاتكم المتميزة للنشر، دون أي محاذير رقابية أو سياسية، آملين أن يجد فيه كل صاحب رأي أو موهبة متنفساً له تحمل صوته للملايين.. "الوطن" تتلقى مقالاتكم ومشاركاتكم على عنوان البريد التالي:
bareed.elwatan@elwatannews.com