«سيد» حَبّ يفضح «مجرمين».. فهاجمه المتابعون: «لما تبقى إيجابى ابقى اتكلم»
لقطة من فيديوهات سيد لكشف المجرمين
أمسك بهاتفه المحمول وراح يصور الجريمة التى تجرى أسفل شرفته، ثم سارع إلى توصيل هاتفه بالكمبيوتر، كى يقوم بنشر المقاطع التى فاز بها لـ«المجرمين» عبر مجموعة من الصفحات الإلكترونية على سبيل «الفضيحة» حيث تظهر مقاطع الفيديو «بيع مخدرات» و«اعتداء» من بعض الأشخاص على المارة، فيما تكفل هو بسرد الحكاية كاملة.
يواصل نشر المقاطع: «مش هاسيبهم»
تخيل الرجل الذى يقطن بمنطقة القلج أن مقاطع الفيديو الخاصة به ستنتشر كالنار فى الهشيم، ليأتيه الحل من حيث لا يدرى «كتبت العنوان، وصوّرت المجرمين الصبح وبالليل، كل الناس معاها موبايلات وعندها نت، لازم نبطل سلبية وننشر المخالفات، علشان يعرفوا أن مفيش حاجة بتحصل فى الدِّرا»، كانت تلك صورة الرجل عن الأمر، لكن التعليقات بدت مفاجئة بالنسبة له.
«أم عبدالرحمن» عاجلته «بدل ما كنت تصور وتسكت، ابعت الفيديو لمديرية الأمن، جرّبت تروح القسم؟ حاولت تتصل بالنجدة، ولا إحنا مابقاش قدامنا غير الفضيحة وبس!».
أحمد عبدالواحد اقترح عليه حلاً أقرب لفعله «بدل ما ترفع الفيديوهات على صفحات عامة، كنت حاولت ترفعها على الصفحة الرسمية لوزارة الداخلية كأضعف الإيمان، التصوير حاجة كويسة، وإنك تتكلم خطوة مش وحشة، بس المهم مايبقاش كلام لمجرد الكلام».
البعض اقترح على الرجل أسماء بعينها فى مديرية أمن القليوبية، وكذلك قسم الخانكة، من بينهم «أحسن حسان»: «ظباط كتير محترمين، ومش هيخذلوك، ومش هيسمحوا إنك تتعرض للخطر، روح وخد خطوة إيجابية بدل العياط على اللبن المدلوق».
عشرات المشاركات حظيت بها المقاطع الخاصة بـ«سيد» الذى لم يأخذ بنصائح المعلقين: «للأسف الحال لسه على ما هو عليه، وورشتى اللى فى الشارع اتكسرت، وأنا اتعورت بسببهم، وبرضو مش هاسيبهم وهافضحهم فى كل مكان».
لقطة من فيديوهات سيد لكشف المجرمين